استانادا پاتەرلەرگە اينالدىرىلعان تەحنيكالىق قابات بۇزىلادى. «ەلىماي سيتي» تك قۇرىلىسىنا تاپسىرىس بەرۋشى تەحنيكالىق قاباتتى پاتەرلەرگە قايتا جابدىقتاۋ بولىگىندە بەكىتىلگەن جوبادان اۋىتقۋ ارقىلى قۇرىلىس-مونتاجداۋ جۇمىسىن جۇرگىزدى, دەپ حابارلايدى astana-akshamy.kz
وسىلايشا, استانا قالاسىنىڭ قالالىق ورتاسىنىڭ ساپاسى جانە باقىلاۋ باسقارماسى قۇرىلىس سالۋشىعا قاتىستى اكىمشىلىك قۇقىق بۇزۋشىلىق تۋرالى حاتتاما جاساپ, بۇزۋشىلىقتاردى جويۋ تۋرالى نۇسقاما بەردى.
بۇدان باسقا, باسقارما استانا قالاسىنىڭ مامانداندىرىلعان اۋدانارالىق ەكونوميكالىق سوتىنا وبەكتىنى ساراپتامادان وتكەن بەكىتىلگەن جۇمىس جوباسىنا سايكەس كەلتىرۋ جولىمەن انىقتالعان بۇزۋشىلىقتاردى جويۋ تۋرالى تالاپ ارىز جولدادى.
بۇگىنگى كۇنى قۇرىلىس سالۋشى اتالمىش شەشىمدى ورىنداۋ ءۇشىن تۇرعىن ءۇي كەشەنىن جوبالىق قۇجاتتاماعا سايكەس كەلتىرۋ ماقساتىندا زاڭسىز تۇرعىزىلعان قورشاۋ كونسترۋكتسيالارىن بولشەكتەۋ بويىنشا ءىس-شارالار جۇرگىزىپ جاتىر.
جالپى العاندا, سالىنىپ جاتقان تۇرعىن ءۇي كەشەنىنىڭ ەكى بلوگىندا 12 پاتەردى بولشەكتەۋ جۇمىستارى جۇرگىزىلۋدە. تۇرعىن ءۇي كەشەنى نۇرا اۋدانىندا قورعالجىن تاس جولى مەن E127 كوشەسىنىڭ قيىلىسىندا ورنالاسقان.
