قر پرەزيدەنتى قاسىم-جومارت توقاەۆتىڭ جارلىعىمەن قاليبەك قۋانىشباەۆ اتىنداعى مەملەكەتتىك اكادەميالىق قازاق مۋزىكالىق دراما تەاترىنا ۇلتتىق مارتەبە بەرىلدى, دەپ حابارلايدى astana-akshamy.kz
وتىز جىلدان اسا تاريحى بار تەاتر 1991 جىلى اشىلعان بولاتىن. تەاتر شىمىلدىعى عابيت مۇسىرەپوۆتىڭ «اقان سەرى – اقتوقتى» سپەكتاكلىمەن اشىلدى. 1993 جىلى قاليبەك قۋانىشباەۆتىڭ 100 جىلدىعى قۇرمەتىنە وراي تەاترعا اكتەر ەسىمى بەرىلدى. 2011 جىلى 14 جەلتوقساندا ونەر ورداسىنا «اكادەميالىق تەاتر» مارتەبەسى بەرىلدى.
تەاتر ۇجىمى ءوزىنىڭ العاشقى جۇلدەسىن 1996 جىلى ۋفا قالاسىندا تۇركىتىلدەس مەملەكەتتەر اراسىندا وتكەن حالىقارالىق «تۋعانلىق» تەاتر فەستيۆالىندە الدى.
مەملەكەت باسشىسى جارلىققا قول قويعان كۇننەن باستاپ تەاتر «قاليبەك قۋانىشباەۆ اتىنداعى قازاق ۇلتتىق مۋزىكالىق دراما تەاترى» دەپ اتالادى.
