استاناعا پاكىستاننىڭ اسكەري دەلەگاتسياسى كەلدى, دەپ حابارلايدى astana-akshamy.kz
قورعانىس ۆەدومستۆوسىندا قازاقستان رەسپۋبليكاسى قورعانىس ءمينيسترىنىڭ ورىنباسارى گەنەرال-مايور شايح-حاسان جازىقباەۆتىڭ پاكىستان يسلام رەسپۋبليكاسى ۇلتتىق قورعانىس ۋنيۆەرسيتەتىنىڭ باستىعى گەنەرال-لەيتەنانت اسيف گحافۋردىڭ باسشىلىعىمەن شەتەلدىك دەلەگاتسيامەن حاتتامالىق كەزدەسۋى ءوتتى.
تاراپتار ءوزارا قىزىعۋشىلىق تۋدىراتىن سالالارداعى ەكىجاقتى ىنتىماقتاستىق ماسەلەلەرىن تالقىلادى.
ساپار بارىسىندا پاكىستان دەلەگاتسياسى قازاقستان رەسپۋبليكاسىنىڭ ۇلتتىق قورعانىس ۋنيۆەرسيتەتىندە بولدى. شەتەلدىك قوناقتارمەن اسكەري ءبىلىم ورداسىنىڭ باستىعى گەنەرال-مايور اسقار مۇستابەكوۆ جانە قر قورعانىس مينيسترلىگى اسكەري ءبىلىم جانە عىلىم دەپارتامەنتىنىڭ وكىلدەرى كەزدەستى.
بريفينگتە ولارعا ۇلتتىق قورعانىس ۋنيۆەرسيتەتىنىڭ تاريحى, وقۋ باعدارلامالارى جانە ماتەريالدىق-تەحنيكالىق بازاسى تۋرالى ايتىلدى. جوعارى وقۋ ورنىندا دەلەگاتسيا پاكىستاندىق اسكەري ونەر اۋديتورياسىن كوردى.
قر قارۋلى كۇشتەرى باس شتابى اكادەمياسىنىڭ تىڭداۋشىلارى ءۇشىن پاكىستاننىڭ ستراتەگيالىق زەرتتەۋلەر ينستيتۋتىنىڭ باس ديرەكتورى گەنەرال-مايور رازا ايزاد «وڭتۇستىك ازيا – ورتالىق ازيا, ىنتىماقتاستىق جانە ءوزارا ءىس-قيمىل پەرسپەكتيۆالارى» تاقىرىبىندا ءدارىس وقىدى.
ءىس-شارالار ۋنيۆەرسيتەتتەر اراسىنداعى ءوزارا تۇسىنىستىك تۋرالى مەموراندۋمعا قول قويۋمەن اياقتالدى. قۇجات تاجىريبە, وزىق پراكتيكا, كىتاپحانا رەسۋرستارىمەن الماسۋدى, سيمپوزيۋمدارعا, كونفەرەنتسيالار مەن سەمينارلارعا قاتىسۋدى كوزدەيدى.
بۇدان بولەك پاكىستاندىق ارىپتەستەر اسكەري-ستراتەگيالىق زەرتتەۋلەر ورتالىعىنا, قر قارۋلى كۇشتەرىنىڭ مەملەكەتتىك اسكەري-تاريحي مۋزەيىنە بارىپ, ەلوردانىڭ كورىكتى جەرلەرىمەن تانىستى.
