استانادا «زياتكەرلىك مەنشىك – كرەاتيۆتى ەكونوميكانىڭ نەگىزى. NO IP – NO EسوNOMY» اتتى حالىقارالىق دوڭگەلەك ۇستەل ءوتتى, دەپ حابارلايدى astana-akshamy.kz
جيىن قازاقستان رەسپۋبليكاسى مادەنيەت جانە اقپارات مينيسترلىگى, ۇلتتىق زياتكەرلىك مەنشىك ينستيتۋتى جانە شىعارماشىلىق باستامالار مەن مادەني مۇرا قوعامدىق قورىنىڭ قولداۋىمەن ۇيىمداستىرىلدى. ونىڭ ماقساتى – كرەاتيۆتى يندۋستريانىڭ IT-ينفراقۇرىلىمىن دامىتۋ, زياتكەرلىك مەنشىك قۇقىعىن كەڭىنەن ناسيحاتتاۋ جانە حالىقارالىق ينۆەستيتسيالار تارتۋ.
ديالوگ الاڭىندا بىرىككەن اراب امىرلىكتەرى, قىرعىزستان, گرۋزيا, مولدوۆا ەلدەرىنىڭ ساراپشىلارى مەن مەملەكەتتىك ورگاندار, «اتامەكەن» ۇلتتىق كاسىپكەرلەر پالاتاسى جانە Astana Hub IT-ستارتاپتار حالىقارالىق تەحنوپاركىنىڭ وكىلدەرى باس قوستى.
ءىس-شاراعا مادەنيەت جانە اقپارات مينيسترلىگى اتىنان كرەاتيۆتى يندۋستريا دەپارتامەنتىنىڭ ديرەكتورى گۇلىسحان ناحباەۆا قاتىستى.
دوڭگەلەك ۇستەلدە تسيفرلاندىرۋ داۋىرىندەگى كرەاتيۆتى يندۋستريانى دامىتۋدىڭ نەگىزگى تەندەنتسيالارى مەن پەرسپەكتيۆاسى, زياتكەرلىك مەنشىك قۇقىقتارىن قورعاۋ ماسەلەلەرى, زياتكەرلىك مەنشىك قۇقىقتارىن قورعاۋ ءۇشىن جاساندى ينتەللەكت پەن بلوكچەين تەحنولوگياسىن پايدالانۋ, سونداي-اق وسى سالاداعى حالىقارالىق تاجىريبە تالقىلاندى.
دوڭگەلەك ۇستەلدىڭ ماڭىزدى بولىگى شىعارماشىلىق قۇقىقتاردى تىركەۋ, قورعاۋ جانە مونەتيزاتسيالاۋ بويىنشا ەڭ جاقسى شەشىمدەر ۇسىناتىن قازاقستاندىق «AUDOO.QZ» كومپانياسىنىڭ تۇساۋكەسەرى بولادى.
