قازاقستان رەسپۋبليكاسى سىرتقى ىستەر ءمينيسترىنىڭ ورىنباسارى رومان ۆاسيلەنكو نيدەرلاند سىرتقى ىستەر مينيسترلىگى ەۋروپا دەپارتامەنتىنىڭ ديرەكتورى ەريك ۆەستستراتە باستاعان نيدەرلاند دەلەگاتسياسىمەن كەزدەستى, دەپ حابارلايدى astana-akshamy.kz
كەزدەسۋ باسىندا قازاقستان ديپلوماتى نيدەرلاندتىڭ قازاقستان ايماقتارىنداعى سۋ تاسقىنىنا قارسى كۇرەستە كورسەتكەن ساراپتامالىق قولداۋىنا العىس ءبىلدىردى.
تاراپتار ءوزارا قىزىعۋشىلىق تۋدىراتىن كەڭ اۋقىمدى ماسەلەلەر بويىنشا قازاق-نيدەرلاند ىنتىماقتاستىعىنىڭ قازىرگى جاعدايى مەن پەرسپەكتيۆالارىن تالقىلادى.
ر.ۆاسيلەنكو ەكى ەلدىڭ سىرتقى ساياسي ۆەدومستۆولارى اراسىنداعى بەلسەندى ديالوگتى قۇپتاي وتىرىپ, قازاقستان تاراپى بارلىق دەڭگەيدەگى ەكىجاقتى بايلانىستاردى نىعايتۋعا مۇددەلى ەكەنىن راستادى.
سونىمەن قاتار, وڭىرلىك جانە حالىقارالىق كۇن تارتىبىندەگى وزەكتى تاقىرىپتار, سونداي-اق كوپجاقتى قۇرىلىمدار اياسىنداعى ءوزارا ءىس-قيمىل تالقىلاندى.
