اقتاۋدا استانالىق جاس كورەرمەن تەاترى ونەر كورسەتەدى
اقتاۋداعى ن.ءجانتورين اتىنداعى وبلىستىق مۋزىكالىق دراما تەاترىندا استانا قالاسى اكىمدىگىنىڭ مۋزىكالىق جاس كورەرمەن تەاترى ونەر كورسەتەدى, – دەپ حابارلايدى astana-akshamy.kz
استانالىق جاس كورەرمەن تەاترىنىڭ بۇل ونەر ساپارى «استانادان ماڭعىستاۋعا سالەم» دەپ اتالادى. تەاتر ونەرپازدارى وسى ساپارى اياسىندا ن.ءجانتورين اتىنداعى وبلىستىق مۋزىكالىق دراما تەاترىندا بىرقاتار قويىلىمدارىن قويادى.
اتاپ ايتار بولساق, 7 مامىر كۇنى ساعات 15:00 جانە 19:00-دە جازۋشى دۋلات يسابەكوۆتىڭ «گاۋھارتاس» مۋزىكالىق دراماسى قويىلادى.
8 مامىر كۇنى ساعات 15:00 جانە 19:00-دە ورىس اقىنى, دراماتۋرگ الەكساندر ءۆولوديننىڭ «قوشتاسقىم كەلمەيدى» مۋزىكالىق دراماسى قويىلادى.
ايتا كەتەيىك, بۇل قويىلىمداردىڭ رەجيسسەرى – قازاقستاننىڭ ەڭبەك سىڭىرگەن قايراتكەرى, ونەرتانۋ PhD دوكتورى, پروفەسسور اسحات ماەميروۆ.