استانادا شاعىن فۋتبولدان قازاقستان چەمپيونى انىقتالدى
اۋەسقوي فۋتبول ليگاسى اياسىندا وتكەن IV قازاقستان چەمپيوناتىندا ەلوردالىق «سايران» كومانداسى جەڭىمپاز اتاندى.
ءۇش كۇنگە جالعاسقان جارىستا ەلىمىزدىڭ بارلىق ايماقتارىنان 21 كوماندا باق سىناعان ەدى. الدىمەن توپقا ءبولىنىپ ويناعان كوماندالار اراسىنان ۇزدىكتەر عانا كەلەسى اينالىمعا ءوتتى. 2015 جىلعى چەمپيون «ەسىل» ساۋدا ءۇيى» كومانداسى بۇل جولى شيرەك فينالدان اسا المادى. ەسەسىنە تاعى ءبىر استانالىق «سايران» كومانداسى وتە جاقسى ويىن ورنەگىن كورسەتىپ, رەسپۋبليكالىق جارىستىڭ جەڭىمپازى اتاندى.
جارتىلاي فينالدا «سايران» پاۆلودار قالاسىنان كەلگەن «قۋات» كومانداسىنان باسىم ءتۇستى. ال ەكىنشى جارتىلاي فينالدا دا ەلوردالىق كوماندانىڭ جولى بولدى. اتاپ ايتقاندا, AFC «BIRLIK» كومانداسى الماتى اتىنان سىنعا تۇسكەن «Recom Kazahstan» كومانداسىن 2:1 ەسەبىمەن ۇتتى.
وسىلايشا, فينالدا ەكى استانالىق اۋەسقوي فۋتبولشىلار كوماندالارى كەزدەسىپ, «سايران» 3:0 ەسەبىمەن جەڭىسكە جەتىپ, قازاقستان چەمپيونى اتاعىن جەڭىپ الدى.