مۇندا جۇمىس ىزدەۋشىلەرگە مالىمەتتەر بازاسىنداعى وزەكتى بوس ورىندارمەن تانىسىپ, سۇحباتتاسۋعا جولداما الۋعا مۇمكىندىك بار.
ورتالىقتا جاستار پراكتيكاسىن, دايارلاۋ جانە قايتا دايارلاۋ كۋرستارىن ءوتۋ جاعدايلارى مەن قاجەتتى قۇجاتتار جيىنتىعى تۋرالى مامانداردىڭ كەڭەسىن الۋعا بولادى. جۇمىسپەن قامتۋ ورتالىعىنىڭ ديرەكتورى ولجاس وماردىڭ ايتۋىنشا, وكىلدىكتەر – جۇمىسقا ورنالاسپاعان ازاماتتاردىڭ قولايلىعى ءۇشىن جاسالىپ وتىر.
«وكىلدىكتەردىڭ اشىلۋى جۇمىسقا ورنالاسۋ سالاسىندا مەملەكەتتىك قولداۋ شارالارىمەن جۇمىسسىز ازاماتتاردىڭ كوبىرەك مولشەرىن قامتۋ قاجەتتىلىگىنەن نەگىزدەلگەن. ەڭ باستىسى, حالىققا تۇرعىلىقتى جەرىندە مەملەكەتتىك قىزمەتتىڭ وسى ءبىر ءتۇرىن الۋ وتە قولايلى», – دەپ ەسەپتەيدى ولجاس ومار.
جۇمىسپەن قامتۋ ورتالىعىنىڭ وكىلدىكتەرى – تىلەنديەۆ داڭعىلى بويىندا ورنالاسقان «راحمەت» ءسۇ, اقجول كوشەسىنىڭ بويىنداعى «استىقجان» ءسۇ جانە «ارۋجان» سوو اشىلدى.
ەسكە سالا كەتسەك, وسىدان بۇرىن ورتالىقتىڭ 2 وكىلدىگىنىڭ ءبىرى – «استانالىق» بازاردا, ەكىنشىسى – «گۇلجان» ءسۇ ءوز قىزمەتىن باستاعان بولاتىن. وسىلايشا, قازىرگى تاڭدا استانا قالاسى اكىمدىگىنىڭ جۇمىسپەن قامتۋ ورتالىعىنىڭ 5 وكىلدىگى اشىلدى.
بەلسەندى شارالاردى قولدانۋ ناتيجەسىندە استانا قالاسىنداعى جۇمىسسىزدىق دەڭگەيىن قازاقستان بويىنشا ەڭ تومەنگى 4,7% كورسەتكىش شاماسىندا ساقتاپ تۇرۋعا قول جەتكىزىلدى.
