ەلوردادا جىل باسىنان بەرى رۇقسات ەتىلمەگەن جەرلەردە تەمەكى تارۋدىڭ 12 300 فاكتىسى تىركەلگەن
استانا قالاسىنىڭ ءىىد جەرگىلىكتى پوليتسيا قىزمەتكەرلەرى قوعامدىق ورىنداردا شىلىم شەگۋ مەن ىشىمدىك ءىشۋ, قوقىس تاستاۋ, اباتتاندىرۋ ەرەجەلەرىن جانە تىنىشتىقتى بۇزۋ, سونداي-اق قوعامدىق ورىنداردا ادامداردىڭ مازاسىن الۋ سەكىلدى ۇساق بۇزاقىلىقتارعا «نولدىك توزىمدىلىك» قاعيداتىن ورىنداۋ ماقساتىندا جىل باسىنان بەرى 51 مىڭنان استام اكىمشىلىك قۇقىق بۇزۋشىلىق تىركەگەن.
جاقىندا اباتتاندىرۋ ەرەجەسى بويىنشا رۇقسات ەتىلمەگەن جەردە ءوز كولىگىن جۋعان ەكى قالا تۇرعىنىنا 20 اەك مولشەرىندە (42 420 تەڭگە) اكىمشىلىك ايىپپۇل سالىندى.
جىل باسىنان بەرى الكوگولدىك ىشىمدىك ىشكەن نەمەسە قوعامدىق ورىندارعا ماس كۇيىندە كەلگەن 14 180 ادام ۇستالدى. ۇساق بۇزاقىلىق جاساعان 3200 ادام جاۋاپكەرشىلىككە تارتىلدى. سونىمەن بىرگە 15 400 اباتتاندىرۋ ەرەجەلەرىن بۇزۋ فاكتىسى تىركەلگەن.
