بايقوڭىر اۋدانىنىڭ ورتالىق كوشەلەرىندە جول توسەمدەرىن جوندەۋ جۇمىستارى جۇرگىزىلۋدە, دەپ حابارلايدى astana-akshamy.kz
بۇل تۋرالى اۋدان اكىمى تالعات راحمانبەردى ءوزىنىڭ الەۋمەتتىك جەلىدەگى پاراقشاسىندا حابارلادى.
قازىرگى ۋاقىتتا اۋدان اۋماعىندا ا.باراەۆ كوشەسى, اباي داڭعىلى – ش.ءۋاليحانوۆ كوشەسىنەن ا.پۋشكين كوشەسىنە دەيىن, اسان قايعى كوشەسى – كەنەسارى كوشەسىنەن سەيفۋللين كوشەسىنە دەيىن, ش.ءۋاليحانوۆ كوشەسى – بوگەنباي باتىر داڭعىلىنان سەيفۋللين كوشەسىنە دەيىن, س. راحىموۆ كوشەسى – س.سەيفۋللين كوشەسىنەن بوگەنباي باتىر داڭعىلىنا دەيىن, الاش تاس جولى – 69 كوشەدەن قوياندى ساياجاي القابى باعىتىنا دەيىن جول توسەمدەرىن جوندەۋ جۇمىستارى جۇرگىزىلۋدە.
سونىمەن قاتار, اۋداننىڭ باسقا دا ۋچاسكەلەرىندە شۇڭقىرلى جوندەۋ-جۇمىستارى جۇرگىزىلۋدە.
«ەلوردا تۇرعىندارى مەن قوناقتارىنان قالا جولدارىندا كەپتەلىس بولدىرماس ءۇشىن ءوز باعىتىن الدىن-الا جوسپارلاۋدى سۇرايمىز», – دەلىنگەن حابارلامادا.
