الەۋمەتتىك كومەك كورسەتۋ قاعيداسىنا وزگەرىستەر ەنگىزىلدى

«استانا قالاسىندا الەۋمەتتىك كومەك كورسەتۋدىڭ, ونىڭ مولشەرلەرىن بەلگىلەۋدىڭ جانە مۇقتاج ازاماتتاردىڭ جەكەلەگەن ساناتتارىنىڭ تىزبەسىن ايقىنداۋ قاعيداسىن بەكىتۋ تۋرالى» استانا قالاسى ءماسليحاتىنىڭ 2023 جىلعى 3 قازانداعى № 84/10-VIII (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 1357-01 بولىپ تىركەلگەن) شەشىمىنە مىناداي وزگەرىستەر مەن تولىقتىرۋلار ەنگىزىلدى:

– ساناتتار تىزبەسى, اتاپ ايتقاندا «اسىراۋشىسىنان ايىرىلۋ جاعدايى بويىنشا مەملەكەتتىك جاردەماقى الاتىن ازاماتتار» ساناتىن تولىقتىرىلۋىمەن (قاعيدانىڭ 13-تارماعى مىناداي مازمۇنداعى 18) تارماقشامەن تولىقتىرىلدى: «اسىراۋشىسىنان ايىرىلۋ جاعدايى بويىنشا مەملەكەتتىك جاردەماقى الاتىن ازاماتتار») كەڭەيتىلدى;

– قاعيدانىڭ «تەگىن قىزمەتتەر جانە اقشالاي تولەمدەر تۇرىندەگى الەۋمەتتىك كومەك ازاماتتاردىڭ مىناداي ساناتتارىنا كىرىستى ەسەپكە الماعاندا كورسەتىلەدى» 43-تارماعىنىڭ 1) تارماقشاسى ء(تىس پروتەزدەۋ), قاعيدانىڭ «قالانىڭ جوعارى وقۋ ورىندارىندا كۇندىزگى وقۋ نىسانىن تولەۋگە الەۋمەتتىك كومەك جان باسىنا شاققانداعى ءتورت ەڭ تومەنگى كۇنكورىس دەڭگەيىنەن اسپايتىن ورتاشا تابىس بولعان كەزدە اقشالاي تولەمدەر تۇرىندە ۇسىنىلادى» 66 تارماعى «اسىراۋشىسىنان ايرىلۋ جاعدايى بويىنشا مەملەكەتتىك جاردەماقى الاتىن ازاماتتارعا» مىناداي مازمۇنداعى ابزاتسپەن تولىقتىرىلدى;

– قاتتى وتىن ساتىپ الۋعا, گازداندىرۋعا جۇمسالعان شىعىنداردى وتەۋ بولىگىندە قاعيدانىڭ 87, 92-تارماقتارى الۋشىلاردىڭ جاڭا ساناتىن تولىقتىرا وتىرىپ, جاڭا رەداكتسيادا: «اسىراۋشىسىنان ايرىلۋ جاعدايى بويىنشا مەملەكەتتىك جاردەماقى الاتىن ازاماتتارعا» دەپ جازىلدى;

قىزمەت الۋشىلاردىڭ نازارىنا اعىمداعى جىلى ءتىس پروتەزدەۋ قىزمەتتەرىنىڭ قولدانىستاعى شارتتارىنا بايلانىستى اسىراۋشىسىنان ايىرىلۋ جاعدايى بويىنشا مەملەكەتتىك جاردەماقى الاتىن ازاماتتارعا, ءتىس پروتەزدەۋ قىزمەتتەرى 2025 جىلدان باستاپ ۇسىنىلاتىنىن جەتكىزەمىز.

بۇعان دەيىن بۇقارالىق اقپارات قۇرالدارىندا حابارلانعانداي (2024 جىلعى 26 ناۋرىزداعى حابارلاندىرۋ) نۇرا, ەسىل, الماتى اۋداندارى بويىنشا ءتىس پروتەزدەۋ قىزمەتتەرىنە جازىلۋ 2024 جىلعى 1-10 ءساۋىر ارالىعىندا جۇرگىزىلدى.

بايقوڭىر جانە سارىارقا اۋداندارى بويىنشا ءتىس پروتەزدەۋ قىزمەتتەرىنە جازىلۋ 2024 جىلعى 22-30 ءساۋىر ارالىعىندا جۇرگىزىلەدى.

ءتىس پروتەزدەۋ قىزمەتتەرىن الۋ كەزىندە, العاش رەت پروتەزدىڭ «تەرموبيۋگەل» جاڭا قىمبات ءتۇرى قولدانىلادى, ول ءوز كەزەگىندە ءتىس پروتەزىنىڭ قىزمەت ەتۋ مەرزىمىن ارتىرادى», – دەلىنگەن حابارلامادا.