ەلوردادا پوليتسەيلەر تەرروريستىك تۇرعىدان وسال نىسانداردى تەكسەرۋدى جالعاستىرىپ جاتىر, دەپ حابارلايدى astana-akshamy.kz
پوليتسيا تەرروريستىك تۇرعىدان وسال وبەكتىلەردى تەرروريزمگە قارسى قورعاۋدى قامتاماسىز ەتۋدە باقىلاۋدى جۇزەگە اسىرادى. تتو وبەكتىلەردى تەكسەرۋ كەزىندە پوليتسيا قىزمەتكەرلەرى وبەكتىنىڭ تەحنيكالىق نىعايۋىن, سونداي-اق تەرروريستىك سيپاتتاعى قاۋىپ-قاتەرلەرگە دەن قويۋ جونىندەگى پەرسونالدىڭ ءبىلىمى مەن داعدىلارىن تەكسەرەدى.
وسى جىلى تتو وبەكتىلەردەن 70 نىسان تەكسەرىلىپ, كەمشىلىكتەردى جويۋ ءۇشىن 35 ۇيعارىم ەنگىزىلدى. جۇرگىزىلگەن تەكسەرۋلەردىڭ ناتيجەلەرى بويىنشا استانا قالاسىنىڭ مامانداندىرىلعان اۋداناارالىق اكىمشىلىك سوتىنا اكىمشىلىك جاۋاپكەرشىلىككە تارتۋ ءۇشىن 16 وبەكتىگە قاتىستى ماتەريالدار جىبەرىلدى, وسى ۋاقىتتا سوت 9 وبەكتىنى قاراستىرىپ, ايىپپۇل سالدى.
پوليتسيا وبەكتىلەردىڭ باسشىلارىنا 1999 جىلعى 13 شىلدەدەگى “تەرروريزمگە قارسى ءىس-قيمىل تۋرالى” زاڭنىڭ 10-3-بابىنا سايكەس تتو وبەكتىلەردىڭ تەرروريزمگە قارسى قورعالۋىنا قويىلاتىن تالاپتارمەن تانىسۋعا كەڭەس بەرەدى.
قۇقىق بۇزۋشىلىقتىڭ الدىن الۋ ماقساتىندا ءتارتىپ ساقشىلارى تەرروريستىك تۇرعىدان وسال وبەكتىلەردىڭ باسشىلارىنا زاڭدىق ساۋاتتىلىقتى ارتتىرۋ بويىنشا تۇراقتى جۇمىس ىستەۋدى ۇسىنادى, ادامداردىڭ قاۋىپسىزدىگى ماسەلەلەرىن ەلەمەۋ ارقايسىسىنا 100 ايلىق ەسەپتىك كورسەتكىشتەن ايىپپۇل سالۋعا اكەپ سوعادى.
“تەرروريزمگە قارسى ءىس-قيمىل تۋرالى” زاڭنىڭ تالاپتارىنا سايكەس تەرروريستىك ارەكەتتىڭ الدىن الۋ, سونداي-اق وبەكتىلەردى تەرروريزمگە قارسى قورعاۋ جانە ولاردىڭ قاۋىپسىزدىگىنىڭ ءتيىستى دەڭگەيىن ساقتاۋ ماقساتىندا تەرروريستىك تۇرعىدان وسال وبەكتىلەردىڭ باسشىلارى نەمەسە وزگە دە لاۋازىمدى ادامدارى مىناداي ءىس-شارالاردىڭ ىسكە اسىرىلۋى, اتاپ ايتقاندا وبەكتىنىڭ تەرروريزمگە قارسى قاۋىپسىزدىگىنىڭ پاسپورتتارىن ازىرلەۋ, تەرروريزمگە قارسى ءىس-شارالار تەرروريزمگە قارسى قورعاۋ ءۇشىن قىزمەتكەرلەردى وقىتۋ كەرەك.
سونداي-اق مۇددەلى مەملەكەتتىك ورگاندارمەن بىرلەسكەن ءىس-قيمىلداردى جوسپارلاۋ, بەينە اقپاراتتى ساقتاۋ مەرزىمى كەمىندە 30 تاۋلىك بولاتىن ساپالى تەلەۆيزيالىق بەينەباقىلاۋ جۇيەسىمەن جاراقتاندىرۋ, جەكەلەگەن جاعدايلاردا قول جەتكىزۋدى باسقارۋ جۇيەسىن, كۇزەت دابىلى جۇيەسىن, سونداي-اق قۇلاقتاندىرۋ جۇيەسىن بەلگىلەۋ قاجەت.
