كەمال اقىشەۆ – 100 جىل
استاناداعى قر ۇلتتىق مۋزەيىندە قازاقستاننىڭ ەڭبەك سىڭىرگەن عىلىم قايراتكەرى كەمال اقىشەۆتىڭ 100 جىلدىعىنا ارنالعان حالىقارالىق عىلىمي-پراكتيكالىق سەمينار ءوتتى, دەپ حابارلايدى astana-akshamy.kz
ءىس-شارا بارىسىندا ارحيۆتىك سۇحباتتارى ۇسىنىلدى, فيلمدەر كورسەتىلىمى مەن كەمال اقىشەۆتىڭ عىلىمي جولىن باياندايتىن فوتوكورمە, رەتروسپەكتيۆا ۇيىمداستىرىلدى. عالىمنىڭ 100 جىلدىق مەرەيتويىنا ارنالعان ەكى مونوگرافيا تانىستىرىلدى.
كەمال اقىشەۆ – ۇلتتىق ارحەولوگيالىق مەكتەپتىڭ نەگىزىن قالاۋشىلاردىڭ ءبىرى. ەسىك قورعانىن قازۋ جۇمىستارىنا قاتىسىپ, «التىن ادامدى» تاپقان عالىم.
كەڭەس جانە قازاق ارحەولوگى, 200-دەن استام عىلىمي ەڭبەكتىڭ جانە 15 شاقتى كىتاپتىڭ اۆتورى. وتىرار مۋزەيىنىڭ اشىلۋىنا دا كوپ ۇلەس قوسقان قايراتكەر.
سەمينارعا وتاندىق جانە شەتەلدىك عالىمدار, ارحەولوگيا, تاريح, ەتنوگرافيا ينستيتۋتتارىنىڭ, سونداي-اق ۋنيۆەرسيتەتتەر مەن مۇراجايلاردىڭ وكىلدەرى قاتىستى.
ءىس-شارانى كەمال اقىشەۆ اتىنداعى ارحەولوگيا عزي, ل.ن.گۋميلەۆ اتىنداعى ەۇۋ تاريح فاكۋلتەتىنىڭ ارحەولوگيا جانە ەتنولوگيا كافەدراسى, «بوزوق» مەملەكەتتىك تاريحي-مادەني مۇراجاي-قورىعى ۇيىمداستىردى.
سەرىكتەستەر قاتارىندا م.امموسوۆ اتىنداعى سولتۇستىك-شىعىس فەدەرالدى ۋنيۆەرسيتەتى (ساحا رەسپۋبليكاسى) جانە ج.بالاساعۇن اتىنداعى قىرعىز ۇلتتىق ۋنيۆەرسيتەتى بار.
كەمال اقىشەۆتىڭ 100 جىلدىق مەرەيتويىنا وراي «بوزوق» مەملەكەتتىك تاريحي-مادەني مۇراجاي-قورىعىندا دا كونفەرەنتسيا وتەدى. وعان قازاقستان,الىس-جاقىن شەت ەلدەردەن جانە تمد ەلدەرىنەن جينالعان 10 اكادەميالىق جانە جوعارى وقۋ ورىندارى, 50-دەن استام عالىم قاتىسادى.