2000-نان استام استانالىق تۇرعىن «قارىزسىز قوعام» قارجىلىق ساۋاتتىلىق كۋرسىن اياقتادى, دەپ حابارلايدى astana-akshamy.kz
«قارىزسىز قوعام» جوباسى 2023 جىلى ەلىمىزدىڭ 8 وڭىرىندە باستالدى. ونىڭ ارقاسىندا بۇگىندە 2200-دەن استام استانالىق قارجىلىق ساۋاتتىلىق بويىنشا ءبىلىم الدى.
«قارىزسىز قوعام» جوباسى بويىنشا ەلىمىزدىڭ سەگىز وڭىرىندە 120-دان استام ساراپشى وقۋدان ءوتىپ جاتىر. الەۋمەتتىك جوبا ءساتتى جۇزەگە اسقاننان كەيىن ەلىمىزدىڭ بارلىق وڭىرىندە قولعا الىندى.
جوبانىڭ تالىمگەرى زۋلفيا بادەەۆانىڭ ايتۋىنشا, وقىتۋ ادامدار بيۋدجەتتى ەسەپتەۋدى, كىرىستەر مەن شىعىستاردى سالىستىرۋدى, جەكە قارجىنى جانە دەپوزيتتەر, نەسيەلەر, يپوتەكا جانە ت.ب. قارجى قۇرالدارىن باسقارۋدى ۇيرەنەتىندەي قۇرىلىمدالعان.
«قارجىلىق ساۋاتتىلىق دەڭگەيىن ارتتىرۋمەن قاتار, ءبىز الاياقتىق, بانكروتتىق, تولەم قابىلەتتىلىگى سياقتى مودۋلدەردى قاراستىرىپ جاتىرمىز. سونداي-اق, قارجىلىق ساۋاتتىلىقتىڭ بەلگىلى ءبىر ساتىسىندا تۇرعاندار ينۆەستيتسيا تاقىرىبى بويىنشا ترەنينگتەن وتۋگە شاقىرىلادى, وندا ءبىز اكتسيالار, وبليگاتسيالار جانە قور بيرجاسى تۋرالى اڭگىمەلەسەمىز. قاتىسۋشىلار ءۇشىن بونۋستىق مودۋل قولجەتىمدى: بيزنەس ورنىن قالىپتاستىرۋ, مەملەكەتتىك قولداۋ شارالارى مەن گرانتتار. بارلىق مودۋلدەر ەسەپتەردى شەشۋمەن جانە كەيستەرمەن سۇيەمەلدەنەدى, وسىلايشا قاتىسۋشىلار قاي جەردە پايدا بار, ال قاي جەردە جوق ەكەنىن تۇسىنەدى. ترەنينگتى تاجىريبەمەن بىرىكتىرۋ قاتىسۋشىلارعا قىسقا مەرزىمدە كۋرستى تولىق تۇسىنۋگە مۇمكىندىك بەرەدى», – دەيدى قارجى ساراپشىسى.
ايتا كەتەرلىگى, جوبانىڭ ەرەكشەلىگى – قاتىسۋشىلار سوت ىستەرىنە قاتىسى جوق بارلىق سۇراقتاردى تالقىلاۋ ءۇشىن ادۆوكاتپەن كەڭەسە الادى. مىسالى, ءسىز 90 كۇننەن استام ۋاقىتتى كەشىكتىرىپ جاتساڭىز جانە كوللەكتورلار قوڭىراۋ شالسا, نە ىستەۋ كەرەك؟! ادۆوكات سىزگە ءوزىن قالاي دۇرىس ۇستاۋ كەرەكتىگىن, قۇجاتتاردى راسىمدەۋ جانە قانداي شارالار قولدانۋ كەرەكتىگىن ايتادى.
ماماننىڭ ايتۋىنشا, قاتىسۋشىلاردىڭ 60 پايىزدان استامى – قارىزعا باتقاندار.
«حالىقتىڭ قارجىلىق ساۋاتىنىڭ تومەندىگى تۋرالى اڭگىمە كوپ. مىسالى, ادامدار كىرىسى مەن شىعىسىن ەسەپتەمەي, ءبولىپ-ءبولىپ, نەسيە الادى. كۋرس بارىسىندا ءبىز قاتىسۋشىلاردىڭ اي سايىنعى تولەيتىن نەسيەسى تابىسىنان بىرنەشە ەسە اسىپ تۇسەتىنىن انىقتادىق. كوپ ادامدار ءبولىپ تولەۋدىڭ نەسيە ەكەنىن بىلمەيدى. ەگەر ادام تولەمەسە, ونىڭ نەسيە تاريحى ناشارلايدى. نەسيە تاريحىڭىزدى بۇزباۋ نەگە ماڭىزدى؟ ويتكەنى تۇرعىن ءۇي ساتىپ الۋ, جەڭىلدىكتى قارجىلاندىرۋ بويىنشا مەملەكەتتىك باعدارلامالارعا ءوتىنىش بەرگەندە بۇل ەسكەرىلەدى. نەسيە ناشار دەپ وتىرعان جوقپىز, ادامدار نەسيەگە سانالى تۇردە قاراۋ كەرەك. كوپتەگەن ادامدار پايىزدىق مولشەرلەمەلەردى قاراستىرمايدى. ال بۇل اسا ماڭىزدى اسپەكت», – دەپ ءبولىستى زۋلفيا بادەەۆا.
وسىلايشا, بۇل جوبا قاتىسۋشىلارعا جەكە قارجى مەن وتباسى بيۋدجەتىن جوسپارلاۋدى ۇيرەنۋگە, العان بىلىمدەرىنە نەگىزدەلگەن بيزنەس اشۋعا كومەكتەسەدى.
