استانا اكىمدىگى ەلوردانىڭ بارلىق تۇرعىندارى مەن قوناقتارىن 27-28 ءساۋىر كۇندەرى وتەتىن «تازا قازاقستان. استانا – تازالىق پەن ءتارتىپتىڭ ۇلگىسى» ەكولوگيالىق ايلىققا قاتىسۋعا شاقىرادى. وسى اپتا «جاسىل ايماق» ۇرانىمەن ءوتىپ, اعاش وتىرعىزۋعا, ەكپەلەردى اقتاۋعا ارنالدى, دەپ حابارلايدى astana-akshamy.kz
اۋقىمدى ەكواكتسيا شەڭبەرىندە قالانى سانيتارلىق تازارتۋ, نوسەر جانە ارىق كارىز جەلىلەرى, كوشەلەردى, تروتۋارلاردى, ورامىشىلىك اۋماقتاردى, قوعامدىق كەڭىستىكتەر مەن اۋلالاردى تازالاۋ جۇمىستارى جۇرگىزىلۋدە.سونداي-اق جاسىل جەلەكتەردى كۇتىپ-باپتاۋ جانە وتىرعىزۋ, ساۋدا نىساندارىنا ىرگەلەس اۋماقتاردى جيناۋ, كوگالدار مەن گۇلزارلاردى ورناتۋ, رۇقسات ەتىلمەگەن پوليگونداردى جويۋ جانە ت.ب. جۇمىستار جۇرگىزىلۋدە.
ەكواكتسياعا قاتىسۋشىلار اراسىندا فيتنەس-كلۋبقا ءۇش ابونەمەنتكە كونكۋرس وتكىزىلەدى. تۇرعىندار تاراپىنان قىزىعۋشىلىقتى ەسكەرە وتىرىپ, ولاردىڭ كونكۋرسقا قاتىسۋعا كوبىرەك ۋاقىتى بولۋى ءۇشىن قاتىسۋ مەرزىمى ۇزارتىلدى. وسىلايشا, بايقاۋ قورىتىندىسى 30 ساۋىردە شىعارىلادى. بايقاۋعا كەز كەلگەن قاتىسا الادى.
ول ءۇشىن: Instagram-داعى استانا اكىمدىگىنىڭ رەسمي اككاۋنتىنا (@akimat__astana) جازىلۋ, Instagram-داعى ەكواكتسيادان تۇپنۇسقا ۆيدە جاريالاۋ جانە جاريالانىمعا #تازااستانا, #ەكواكتسيااستانا حەشتەگتەرىن بەلگىلەۋ قاجەت (پوست رەتىندە جاريالانۋى كەرەك, stories ەمەس). كەز كەلگەن جەردە, سونىڭ ىشىندە اۋلاڭىزدى تازارتۋ كەزىندە دە ۆيدەو ءتۇسىرىپ, جاريالاۋعا بولادى.
سونداي-اق, قالا كاسىپورىندارى, ميب (پيك), شاعىن جانە ورتا بيزنەس سۋبەكتىلەرى (بازارلار, ساۋدا-ويىن-ساۋىق ورتالىقتارى, كافەلەر, مەيرامحانالار جانە ت. ب.) وكىلدەرىن, ەرىكتىلەردى جانە ت. ب. ەكوايلىققا قاتىسۋعا شاقىرامىز.
