نۇر-سۇلتان قالاسىنىڭ اكىمى التاي كولگىنوۆ «كوكتال-1», «كوكتال-2», «نۇر-بەسىك» شاعىن اۋداندارىنىڭ تۇرعىندارىمەن كەزدەسكەن كەزدە قالا توڭىرەگىندەگى ەلدى مەكەندەردى دامىتۋ جانە اباتتاندىرۋ تۋرالى ايتتى.
– ەلدى مەكەندەرىمىز جۇيەلى تۇردە دامىپ كەلەدى. قالامىزدا 16 ەلدى مەكەن بار, ەلوردامىزدىڭ ءاربىر ءتورتىنشى تۇرعىنى وسى ەلدى مەكەندەردە تۇرادى. قالا ماڭىنا 13,5 كم ينجەنەرلىك جەلى, 5 كم-دەن استام كارىز جانە سۋ قۇبىرى, 3 كم-دەن استام نوسەر كارىزى سالىندى.
«نۇر-بەسىك» شاعىن اۋدانىندا 200-دەن استام ءۇي ورنالاسقان. بۇل شاعىن اۋدانعا ورتالىقتاندىرىلعان سۋ جانە ەلەكتر جابدىقتاۋ جۇيەسى قوسىلدى, سول سياقتى ترانسفورماتورلىق قوسالقى ستانسالار ورناتىلدى. سونىمەن قاتار, 9 ەلدى مەكەندە گاز تاراتۋ جەلىسى ىسكە قوسىلدى, 2 جىل ىشىندە ەلدى مەكەندەردە 160-تان استام كوشە سالىندى, اۋلالار مەن قوعامدىق كەڭىستىكتەر اباتتاندىرىلدى, ال «كوكتال» ەلدى مەكەنىندە قالا تۇرعىندارىنا ارناپ ۇلكەن ساياباق اشىلدى. «كوكتال» مەن «ءوندىرىس» ەلدى مەكەندەرىندە دەنە شىنىقتىرۋ-ساۋىقتىرۋ كەشەندەرى سالىندى. ءدال وسىنداي كەشەندەر «ۇركەر» (يلينكا), «تەمىرجولشىلار» ەلدى مەكەندەرىندە دە بولادى. «ميچۋرين» ەلدى مەكەنىندە العاش رەت مەكتەپ سالىندى, بۇرىن وقۋشىلار ارنايى بەيىمدەلگەن ورىنداردا ءبىلىم الىپ كەلگەن بولاتىن, – دەدى قالا اكىمى.
التاي كولگىنوۆ قالانى دامىتۋ جوسپارىنان شەت ايماقتار ارقاشان شەت قالمايتىنىن اتاپ ءوتتى. «2022 جىلى ءتورت ەلدى مەكەندە 4 مەكتەپ سالۋدى جوسپارلاپ وتىرمىز. سول سياقتى 2022 جىلى «ينتەرناتسيونالنىي» ەلدى مەكەنىندە العاشقى مەديتسينالىق كومەك ورتالىعى سالىنادى, ال 2024 جىلعا دەيىن ەكى وتباسىلىق دەنساۋلىق ورتالىعى ەكى وندىرىستىك جانە ونەركاسىپتىك ەلدى مەكەندەردە سالىنادى. ەلوردالىقتارمەن كەزدەسۋدە اتقارىلعان جۇمىستار تۋرالى ايتىلدى, سول سياقتى ەلدى مەكەندەردى ودان ءارى دامىتۋ جونىندە ۇسىنىستار مەن يدەيالارىن تىڭدادىق. قالا تۇرعىندارى كوتەرگەن ماسەلەلەر قاتارىندا جارىقتاندىرۋ, اباتتاندىرۋ, الەۋمەتتىك نىساندار, جول سالۋ, ينجەنەرلىك جەلىلەر جۇرگىزۋ, كوگالداندىرۋ جانە ت.ب. ماسەلەلەر بار. وسىنداي بەتپە-بەت فورماتتا اۋدان, ەلدى مەكەن تۇرعىندارىمەن تۇراقتى كەزدەسىپ تۇرامىز. بۇل بىزگە قالا تۇرعىندارىمەن ءوزارا بايلانىستى كۇشەيتۋگە كومەكتەسەدى, سول سياقتى ەلوردالىقتاردىڭ قاجەتتىلىكتەرى ەسكەرىلەدى ءارى بۇل ەلدى مەكەندەردىڭ دامۋىنا وڭ اسەر ەتەدى» دەدى ەلوردا اكىمى.
