استانا قالاسى ءومىر ءسۇرۋ جايلىلىعى جاعىنان عانا ەمەس, ينۆەستورلارعا تارتىمدىلىعى جونىنەن دە كوش باستاپ كەلەدى.
استانا قالاسى ستاتيستيكا دەپارتامەنتىنىڭ مالىمەتىنشە, تەك بيىلعى جىلدىڭ بەس ايىنىڭ (قاڭتار-مامىر) وزىندە نەگىزگى كاپيتالعا سالىنعان ينۆەستيتسيالار كولەمى 211 936,3 ملن تەڭگەنى قۇراعان. بۇل وتكەن جىلدىڭ وسى مەرزىمىندەگى, ياعني, قاڭتار-مامىر ايلارىنداعى كورسەتكىشتەرمەن سالىستىرعاندا 8,2 پايىزعا ارتىق. جالپى ەلىمىزگە تارتىلعان ينۆەستيتسيانىڭ 9,3 پايىزى استانانىڭ ۇلەسىنە تيەسىلى بولىپ وتىر.
تارتىلعان ينۆەستيتسيالاردىڭ باسىم ۇلەسى – 78,5 پايىزى جەكەمەنشىك نىسانداعى كاسىپورىنداردى دامىتۋعا جۇمسالعان. قالعان 22,4 پايىزى مەملەكەتتىك بيۋدجەت ەسەبىنەن اۋدارىلىپ وتىر. سونداي-اق, ەلوردالىق كاسىپورىندار مەن ۇيىمداردىڭ 61,7 پايىزى مەنشىكتى قاراجات بولسا, 2,3 پايىزى بانكتەردەن نەسيە رەتىندە بەرىلگەن. قالعان بولىگى باسقا دا قارىز كوزدەرى ەسەبىنەن بولىپ وتىر.
بۇركىت نۇراسىل
