ەلوردادا توتەنشە جاعداي ەنگىزىلدى

مەملەكەت باسشىسى قاسىم- جومارت توقاەۆ نۇر-سۇلتان قالاسىندا توتەنشە جاعداي ەنگىزۋ تۋرالى جارلىققا قول قويدى.

«ازاماتتاردىڭ ماڭىزدى جانە تىكەلەي قاۋىپسىزدىگىنە بايلانىستى قوعامدىق قاۋىپسىزدىكتى قامتاما­سىز ەتۋ, زاڭدىلىق پەن قۇقىقتىق ءتارتىپتى قالپىنا كەلتىرۋ, ازاماتتار­دىڭ قۇقىقتارى مەن بوستاندىقتارىن قورعاۋ ماقساتىندا 2022 جىلعى 5 قاڭتارداعى 16 ساعات 00 مينۋت پەن 2022 جىلعى 19 قاڭتارداعى 00 ساعات 00 مينۋت مەرزىمى كەزەڭىندە نۇر­سۇلتان قالاسىنىڭ شەكارالارىندا توتەنشە جاعداي ەنگىزىلسىن.نۇر­سۇلتان قالاسىندا توتەنشە جاعدايدىڭ كۇشىندە بولۋى كەزەڭىن­دە 23 ساعات 00 مينۋتتان 7 ساعات 00 مينۋتقا دەيىن كومەندانتتىق ساعات ەنگىزىلسىن» دەلىنگەن جارلىق ماتىنىندە.

نۇر-^­سۇلتان قالاسى تۇرعىندارىنىڭ قاۋىپسىزدىگىن قامتاماسىز ەتۋ ماقساتىندا قازاقستان رەسپۋبليكاسى كونستيتۋتسياسىنىڭ 44-بابىنىڭ 16-تارماقشاسىنا, «توتەنشە جاعداي تۋرالى» قازاقستان رەسپۋبليكاسى زاڭىنىڭ 4, 5, 6-باپتارىنا سايكەس قاۋلى ەتەمىن:

1. ازاماتتاردىڭ ماڭىزدى جانە تىكەلەي قاۋىپسىزدىگىنە بايلانىستى قوعامدىق قاۋىپسىزدىكتى قامتاماسىز ەتۋ, زاڭدىلىق پەن قۇقىقتىق ءتارتىپتى قالپىنا كەلتىرۋ, ازاماتتاردىڭ قۇقىقتارى مەن بوستاندىقتارىن قورعاۋ ماقساتىندا 2022 جىلعى 5 قاڭتارداعى 16 ساعات 00 مينۋت پەن 2022 جىلعى 19 قاڭتارداعى 00 ساعات 00 مينۋت مەرزىمى كەزەڭىندە نۇر-سۇلتان قالاسىنىڭ شەكارالارىندا توتەنشە جاعداي ەنگىزىلسىن.
2. نۇر-سۇلتان قالاسىندا توتەنشە جاعدايدىڭ كۇشىندە بولۋى كەزەڭىندە 23 ساعات 00 مينۋتتان 7 ساعات 00 مينۋتقا دەيىن كومەندانتتىق ساعات ەنگىزىلسىن.
3. توتەنشە جاعدايدىڭ كەزەڭىندە نۇر-­سۇلتان قالاسىنىڭ كومەنداتۋراسى قۇرىلىپ, وعان «توتەنشە جاعداي تۋرالى» قازاقستان رەسپۋبليكاسىنىڭ زاڭىمەن كوزدەلگەن وكىلەتتىكتەر بەرىلسىن.

نۇر-سۇلتان قالاسىنىڭ كومەندانتى بولىپ نۇر-سۇلتان قالاسى پوليتسيا دەپارتامەنتىنىڭ باستىعى ەرجان ساپاربەكۇلى سادەنوۆ تاعايىندالسىن.

4. توتەنشە جاعدايدىڭ كۇشىندە بولۋى كەزەڭىندە مىناداي شارالار مەن ۋاقىتشا شەكتەۋلەر بەلگىلەنسىن:

1) قوعامدىق ءتارتىپتىڭ ساقتالۋى, اسا ماڭىزدى مەملەكەتتىك جانە ستراتەگيالىق وبەكتىلەردىڭ, سونداي-اق حالىقتىڭ تىنىس-تىرشىلىگىن جانە كولىك قىزمەتىنىڭ جۇمىس ىستەۋىن قامتاماسىز ەتەتىن وبەكتىلەردىڭ كۇزەتىلۋى كۇشەيتىلسىن;

2) نۇر-سۇلتان قالاسىندا ءجۇرىپ-تۇرۋ, ونىڭ ىشىندە كولىك قۇرالدارى قوزعالىسىنىڭ ەركىندىگىنە شەكتەۋلەر بەلگىلەسىن;

3) جەكە تۇلعالاردىڭ جەكە باسىن كۋالاندىراتىن قۇجاتتاردى تەكسەرۋ, ولاردى جەكە تەكسەرۋ, ولاردىڭ زاتتارىن, كولىك قۇرالدارىن تەكسەرۋ قامتاماسىز ەتىلسىن;

4) نۇر-سۇلتان قالاسىنا كىرۋ, سونداي-اق ودان شىعۋ شەكتەلسىن;

5) بەيبىت جينالىستاردى, ويىن-ساۋىق, سپورتتىق جانە باسقا دا بۇقارالىق ءىس-شارالاردى ۇيىمداستىرۋعا جانە وتكىزۋگە تىيىم سالىنسىن;

6) ەرەۋىلدەرگە جانە زاڭدى تۇلعالاردىڭ قىزمەتىن توقتاتا تۇرۋدىڭ نەمەسە توقتاتۋدىڭ وزگە دە ادىستەرىنە تىيىم سالىنسىن;

7) قارۋ, وق-ءدارى, جارىلعىش زاتتار, ارناۋلى قۇرالدار, ۋلى زاتتار ساتۋعا تىيىم سالىنسىن, ءدارى-دارمەكتىڭ, ەسىرتكى زاتتاردىڭ, پسيحوتروپتىق زاتتاردىڭ, پرەكۋرسورلاردىڭ, سونداي-اق ەتيل ءسپيرتىنىڭ, الكوگول ونىمدەرىنىڭ اينالىمىنا ەرەكشە رەجيم بەلگىلەنسىن;

8) جەكە تۇلعالاردان قارۋ مەن وق-ءدارىنى, ۋ­­لى زاتتاردى ۋاقىتشا الىپ قويۋ, ال زاڭدى تۇلعالاردان قارۋعا, وق-دارىگە جانە ۋلى زاتتارعا قوسا اسكەري جانە جاۋىنگەرلىك وقۋ تەحنيكاسىن, جارىلعىش جانە راديو­اكتيۆتى زاتتاردى ۋاقىتشا الىپ قويۋ قامتاماسىز ەتىلسىن.

5. توتەنشە جاعدايدىڭ رەجيمى كەزىندە قولدانىلاتىن شارالاردىڭ ىسكە اسىرىلۋىنا جاۋاپتى بولىپ نۇر-سۇلتان قالاسىنىڭ كومەنداتۋراسى, قازاقستان رەسپۋبليكاسىنىڭ ىشكى ىستەر مينيسترلىگى, قازاقستان رەسپۋبليكاسىنىڭ ۇلتتىق قاۋىپسىزدىك كوميتەتى, قازاقستان رەسپۋبليكاسىنىڭ قورعانىس مينيسترلىگى, قازاقستان رەسپۋبليكاسىنىڭ توتەنشە جاعدايلار مينيسترلىگى بەلگىلەنسىن.
6. قازاقستان رەسپۋبليكاسىنىڭ باس پروكۋرورى وسى جارلىقتا بەلگىلەنگەن شارالار مەن ۋاقىتشا شەكتەۋلەردى ىسكە اسىرۋ كەزىندە زاڭدىلىقتىڭ ساقتالۋىن قامتاماسىز ەتسىن.
7. قازاقستان رەسپۋبليكاسىنىڭ ۇكىمەتى توتەنشە جاعداي رەجيمىن قامتاماسىز ەتۋ ءۇشىن قازاقستان رەسپۋبليكاسى ۇكىمەتىنىڭ رەزەرۆىنەن قاجەتتى قاراجاتتى ءبولسىن.
8. وسى جارلىق قول قويىلعان كۇنىنەن باستاپ قولدانىسقا ەنگىزىلەدى.

قازاقستان رەسپۋبليكاسىنىڭ پرەزيدەنتى

                             ق.توقاەۆ