استانا قالاسىندا ەنەرگەتيكا ۆيتسە-ءمينيسترى ەرلان اقكەنجەنوۆتىڭ توراعالىعىمەن قر – ەو ەنەرگەتيكا, كولىك, قورشاعان ورتا جانە كليماتتىق وزگەرىستەر جونىندەگى كىشى كوميتەتىنىڭ 7-ءشى وتىرىسى ءوتتى, دەپ حابارلايدى astana-akshamy.kz
كەزدەسۋگە قازاقستان رەسپۋبليكاسى مەن ەۋروپالىق وداقتىڭ مەملەكەتتىك ورگاندارىنىڭ وكىلدەرى, ونىڭ ىشىندە ەۋروپالىق وداقتىڭ قازاقستانداعى ەلشىسى كەستۋتيس يانكاۋسكاس جانە ەۋروپالىق سىرتقى ارەكەت قىزمەتىنىڭ ورتالىق ازيا دەپارتامەنتىنىڭ باسشىسى كريسسلەر ديتمار قاتىستى.
كەزدەسۋ بارىسىندا قازاقستان رەسپۋبليكاسى مەن ەۋروپالىق وداق ەلدەرىنىڭ ەنەرگەتيكالىق قاۋىپسىزدىك, كولىك ساياساتى, قورشاعان ورتانى قورعاۋ, كومىرتەگى بەيتاراپتىعىنا قول جەتكىزۋدىڭ وزەكتى ماسەلەلەرى جانە سۋ رەسۋرستارىن باسقارۋ ماسەلەلەرى تالقىلاندى.
قازاقستان رەسپۋبليكاسى ەنەرگەتيكا ۆيتسە-ءمينيسترى قازاقستان مەن ەۋروپالىق وداق اراسىنداعى ستراتەگيالىق سەرىكتەستىكتىڭ جاھاندىق ەنەرگەتيكالىق ديالوگتى ورناتۋداعى جانە قالىپتاسقان بايلانىستاردى نىعايتۋداعى ماڭىزدى ءرولىن اتاپ ءوتتى.
سونداي-اق, تاراپتار ەۋروپالىق وداق ەلدەرىنىڭ ستراتەگيالىق سەرىكتەستەرىمەن ەنەرگەتيكا سالاسىندا بىرلەسكەن جوبالاردى جۇزەگە اسىرۋ جانە ىنتىماقتاستىق ارقىلى ينۆەستيتسيالىق احۋالدى جاقسارتۋ بويىنشا بىرلەسكەن جۇيەلى جۇمىستى اتاپ ءوتتى.
كەزدەسۋ بارىسىندا قازاقستاندىق تاراپتىڭ وكىلدەرى قازاقستاننىڭ مەتان جونىندەگى جاھاندىق مىندەتتەمەگە قوسىلۋى ەلدىڭ تومەن كومىرتەكتى دامۋعا دەگەن ۇمتىلىسىن راستايتىنىن, سونداي-اق «جاسىل» ينۆەستيتسيالاردى تارتۋ ءۇشىن ايتارلىقتاي مۇمكىندىكتەر اشاتىنىن اتاپ ءوتتى.
تاراپتار سونداي-اق ەۋروپالىق وداق پەن ورتالىق ازيانىڭ جەكەلەگەن ايماقتارىنىڭ كولىك ساياساتى بويىنشا جۇرگىزىلىپ جاتقان جۇمىستاردى, سونداي-اق TEN-T جانە ورتا ءدالىز اياسىندا وڭىرارالىق بايلانىس الەۋەتىن قاناعاتتانۋشىلىقپەن اتاپ ءوتتى. سونداي-اق ولار Global Gateway باستاماسىن جۇزەگە اسىرۋ اياسىندا كولىك دەپارتامەنتتەرى مەن حالىقارالىق قارجى ينستيتۋتتارى اراسىنداعى ءوزارا ءىس-قيمىلدىڭ اۋقىمدى جوسپارلارىن تالقىلادى.
جالپى, تابىستى كەلىسسوزدەردىڭ ناتيجەلەرى بويىنشا مەملەكەتارالىق سالالىق ىنتىماقتاستىقتى نىعايتۋ بويىنشا الداعى قادامدار بەلگىلەندى.
قر-ەو ەنەرگەتيكا, كولىك, قورشاعان ورتا جانە كليماتتىق وزگەرىستەر جونىندەگى كىشى كوميتەتىنىڭ كەلەسى 8-ءشى وتىرىسى 2025 جىلى بريۋسسەلدە, بەلگيادا وتەدى دەپ جوسپارلانۋدا.
