وقۋشىنىڭ ء«ازىلى» اتا-اناسىنا ايىپپۇل ارقالاتتى

استانا قالاسى پد قىزمەتكەرلەرى الەۋمەتتىك جەلىلەردى مونيتورينگتەۋ بارىسىندا Whats App مەسسەندجەرى ارقىلى تۇرعىنداردىڭ “سالەمەتسىز بە؟ ماسكەۋدەگى كوركۋس-سيتي حوللداعى تەراكت تۋرالى ەستىدىڭىز بە؟ سىزگە كەرۋەندە تەراكت جاساۋ ءۇشىن ءبىر ميلليون تەڭگە ۇسىنامىن. ءبىز سىزگە سەرىكتەستەر مەن جارىلعىش زات بەرەمىز, ءسىزدى الىپ كەتۋگە ءبىزدىڭ ادام كەلەدى. ەگەر وسىدان باس تارتساڭىز, ءبىز سىزگە كەلەمىز, قايدا تۇراتىنىڭىزدى بىلەمىز” دەگەن حابارلاما العانىن بىلەدى.

تەكسەرۋ ناتيجەسىندە ءتارتىپ ساقشىلارى ءوزىنىڭ اپكەسىن مازاق ەتپەك بولعان 10 جاستاعى وقۋشىنى انىقتايدى.

«بۇل جاعدايدا ونىڭ ارەكەتىندە قر قك-ءنىڭ 273-بابى (تەرروريزم اكتىسى تۋرالى كورىنەۋ جالعان حابارلاما) بويىنشا قىلمىستىق جاۋاپكەرشىلىك كوزدەلگەن. الايدا 2013 جىلى تۋعان كامەلەتكە تولماعان بالا قىلمىستىق جاۋاپكەرشىلىككە تارتۋ جاسىنا جەتكەن جوق. كامەلەتكە تولماعاننىڭ قىلمىستىق نە اكىمشىلىك قۇقىق بۇزۋشىلىق بەلگىلەرى بار قاساقانا ارەكەت جاساعانىن ەسكەرە وتىرىپ, كامەلەتكە تولماعاننىڭ زاڭدى وكىلى كامەلەتكە تولماعاندى تاربيەلەۋ جانە ءبىلىم بەرۋ, ونىڭ قۇقىقتارى مەن مۇددەلەرىن قورعاۋ جونىندەگى مىندەتتەردى ورىنداماعانى ءۇشىن جازالانادى», – دەيدى پاۆلودار وبلىسى پوليتسيا دەپارتامەنتىنىڭ ءباسپاسوز قىزمەتى. ماتەريالدى سوت قاراپ, وندا زاڭدى وكىلگە 20 اەك كولەمىندە ايىپپۇل سالىندى.

پوليتسيا دايىندالىپ جاتقان تەرروريزم اكتىسى تۋرالى كورىنەۋ جالعان حابار – 5000 اەك-كە دەيىنگى مولشەردە ايىپپۇل سالۋعا نە سول مولشەردە تۇزەۋ جۇمىستارىمەن نە 5 جىلعا دەيىنگى مەرزىمگە باس بوستاندىعىن شەكتەۋگە نە سول مەرزىمگە باس بوستاندىعىنان ايىرۋعا جازالاناتىنىن ەسكە سالادى.