الماتى وبلىسىنىڭ اكىمى اماندىق باتالوۆ ورتالىق كوممۋنيكاتسيالار قىزمەتىندە وتكەن ارنايى بريفينگتە ايماقتىڭ الەۋمەتتىك-ەكونوميكالىق دامۋىنىڭ نەگىزگى كورسەتكىشتەرى, مەملەكەتتىك جانە سالالىق باعدارلامالاردى ىسكە اسىرۋ بارىسىنان حابار بەرىپ, الداعى ماقسات-مىندەتتەر تۋرالى اڭگىمەلەپ بەردى.
وسىدان ءبىر اي بۇرىن ەلباسى جۇمىس ساپارىمەن الماتى وبلىسىنا بارىپ, بىرقاتار ەسكەرتۋلەر ايتقان بولاتىن. سولاردى ەسەپكە العان ءوڭىر باسشىلىعى قۇرىلعان جوسپار بويىنشا جۇمىستار جۇرگىزۋدە. اگرارلىق سەكتوردا پايدالانىلماعان جەرلەر اۋىل شارۋاشىلىعى اينالىمىنا تارتىلىپ, يننوۆاتسيالىق باعىتتاعى اگروتەحنولوگيانى قولدانۋ ارقىلى ءتۇرلى داقىلداردان الىناتىن ءونىمدى ارتتىرۋ جونىندە شارالار قولعا الىنباقشى. بۇگىنگى تاڭدا وبلىستا 126 مىڭ گەكتاردان استام جەر تۋسىراپ بوس جاتىر. ونىڭ 49 مىڭ گەكتاردان استامى سۋارمالى جەرلەر ەكەن. ناقتى يەلەرىن انىقتاپ, قولدانىلۋ ماقساتىن بەلگىلەۋ ءۇشىن جەر كارتاسى جاسالاتىن بولادى.
سونداي-اق, 2 مىڭ گەكتارداي اۋماقتى الاتىن جاڭا باقتىڭ ورنى دايىندالىپ, اپورت الماسىن قالپىنا كەلتىرۋ جۇمىستارى باستالىپ كەتىپتى.
«ءوزىن وزى ەڭ نەگىزگى قاجەتتى ازىق-تۇلىك تۇرلەرىمەن تولىق قامتاماسىز ەتە الاتىن ءبىزدىڭ وبلىسىمىزعا قازىرگى كۇنى سىرتتان جالپى سوماسى 432 ملن دوللاردى قۇرايتىن ازىق-تۇلىك ونىمدەرى اكەلىنۋدە. الدا بىرقاتار كاسىپورىندار مودەرنيزاتسيالانىپ, ەت-ءسۇت جانە كوكونىس وندىرىستەرى قۇرىلاتىن بولادى» دەدى وبلىس باسشىسى. سونىمەن بىرگە, ءسۇت قابىلداۋ نۇكتەلەرىن اشىپ, جىل سوڭىنا دەيىن 32 بورداقىلاۋ الاڭىن 12 مىڭ باس مالمەن تولىقتىرۋ جوسپارلانۋدا.
اماندىق باتالوۆ بيىل قاڭتار-تامىز ارالىعىندا الماتى وبلىسىنىڭ الەۋمەتتىك-ەكونوميكالىق دامۋ كورسەتكىشتەرى بارلىق سالا بويىنشا ورنىقتى دامۋ ديناميكاسىنا يە بولعانىن باسا ايتتى. ونىڭ مالىمەتىنشە, اۋىل شارۋاشىلىعىندا 178,7 ملرد تەڭگەنىڭ ءونىمى وندىرىلىپ, ناقتى كولەم يندەكسى 100,7%-دى قۇرادى. ال, ونەركاسىپ سالاسىندا 390,3 ملرد تەڭگەنىڭ ءونىمى وندىرىلىپ, ناقتى كولەم يندەكسى 100%-دى قۇراعان.
ال, يندۋستريالاندىرۋ كارتاسى اياسىندا جامبىل اۋدانىندا تاۋارلى جۇمىرتقا وندىرەتىن «سۇڭقار» قۇس فابريكاسى جانە قاراساي اۋدانىندا «Kelun-Kazpharm» فارماتسەۆتيكالىق زاۋىتى ىسكە قوسىلعان.
ءمادينا جاقىپ
