ەركىن جۋاسبەك, ق.قۋانىشباەۆ اتىنداعى مەملەكەتتىك اكادەميالىق قازاق مۋزىكالىق-دراما تەاترىنىڭ ديرەكتورى-كوركەمدىك جەتەكشىسى
ءيا, ايتار جەتىستىك كوپ. ەڭ باستىسى, ەلىمىزدىڭ 2050 جىلعا دەيىنگى دامۋ جولىن ايقىندادىق. كوشباسشىمىز كورسەتىپ بەردى. تەك ىسكە كىرىسۋ كەرەك. بەلگىلەنگەن باعىت بويىنشا ەل يگىلىگىنە قىزمەت ەتۋگە ءتيىسپىز. سەبەبى, جولداۋداعى ءاربىر ويدان, ماقساتتان, تاپسىرمادان, مىندەتتەن ۇلتتىق مۇددەنىڭ ءيسى اڭقيدى. اسىرەسە, «مادەنيەت, ءداستۇر جانە دارالىق» اتتى بولىمشەسىنەن قۋات الدىم, جىگەرلەندىم. «ءداستۇر مەن مادەنيەت – ۇلتتىڭ گەنەتيكالىق كودى. پاتشالىقتىڭ, توڭكەرىس ءدۇمپۋى مەن ءتوتاليتاريزمنىڭ بارلىق اۋىرتپالىعى مەن قيىنشىلىقتارىنا قاراماستان, ءبىزدىڭ ەلىمىزدىڭ اۋماعىندا تۇراتىن قازاقتار جانە باسقا دا حالىقتاردىڭ وكىلدەرى وزدەرىنىڭ مادەني ەرەكشەلىكتەرىن ساقتاي الدى… قازاقستان – بىرەگەي ەل. ءبىزدىڭ قوعامدا ءارتۇرلى مادەني ەلەمەنتتەر ءبىر-بىرىمەن بىرىككەن جانە ءبىرىن-ءبىرى تولىقتىرىپ تۇرادى, بىرىنە-ءبىرى ءنار بەرىپ تۇرادى.
ءبىز ءوزىمىزدىڭ ۇلتتىق مادەنيەتىمىز بەن داستۇرلەرىمىزدى وسى ءار الۋاندىعىمەن جانە ۇلىلىعىمەن قوسىپ قورعاۋىمىز كەرەك, مادەني يگىلىگىمىزدى بولشەكتەپ بولسا دا جيناستىرۋىمىز كەرەك». باس قۇجاتتاعى وسى سوزدەردى وزىمە جۇكتەلگەن مىندەتتەي قابىلدادىم.
مادەنيەتتىڭ ىرگەسى كۇن ساناپ كەڭەيۋدە. رۋحانياتىمىز ءۇستى-ۇستىنە دامۋدا. مۇنى تاۋەلسىزدىكتىڭ جەمىسى دەپ بىلەم. تاۋەلسىزدىكتىڭ ارقاسىندا عانا ەل اعالارىنىڭ, ازاماتتاردىڭ ىسىمەن جەتىلدىك, بەكىدىك. بۇل ءىس ءار بۋىندا جالعاسۋ قاجەت.