كەلىستى كەزدەسۋ
قازىرگى زامان ونەرى مۇراجايىندا سوعىس ارداگەرلەرى قۇرمانتاي ايتحوجين, مويسەي گولدبەرگ, لەونيد كارتاۋزوۆ جانە الەكسەي فرولوۆ ەلوردانىڭ وقۋشى جاستارىمەن كەزدەستى. ۇوس ارداگەرلەرى جاۋىنگەرلىك جولدارى, مايدان دالاسى جانە قازىرگى بەيبىت ءومىر تۋرالى ەستەلىكتەر ايتىپ, اڭگىمە ءوربىتتى.
عىلىمي سەمينار ءوتتى
س.سەيفۋللين اتىنداعى قازاق اگروتەحنيكالىق ۋنيۆەرسيتەتىندە قازاقستاندىق حالىقارالىق ىنتىماقتاستىق جانە كوپتىلدىك ءبىلىم بەرۋدى دامىتۋ ورتالىعى عىلىمي-ءبىلىم بەرۋ مەكەمەلەرىنە ارنالعان «كوپتىلدىك ارقىلى عىلىمي ءبىلىم بەرۋشىلىك يننوۆاتسيالىق تەحنولوگيا ترانسفەرى» اتتى سەمينار وتكىزدى.
بالاباقشا باعدارى
استانادا بيىلعى جىلدىڭ 25 ساۋىرنەن 25 مامىرىنا دەيىن بالاباقشالارعا بالالاردى توپتاۋ ماسەلەلەرى بويىنشا جۇمىس توبى كونسۋلتاتسيا ءجۇرگىزۋدە. قابىلداۋدىڭ ءوزى 3 ماۋسىمدا باستالادى. اتا-انالار قاجەتتى اقپاراتتاردى كۇن سايىن (دۇيسەنبى-جۇما) 15.00-دەن 18.00-گە دەيىن № 61 ورتا مەكتەپتە الۋ ءمۇمكىندىگى بار.
كەشە…
قر تۇڭعىش پرەزيدەنتى مۋزەيىندە ازەربايجان حالقىنىڭ جالپىۇلتتىق كوشباسشىسى گەيدار اليەۆتىڭ 90 جىلدىق مەرەيتويىنا ارنالعان «گەيدار اليەۆ جانە ونىڭ كەزەڭى» اتتى كورمە اشىلادى.
بۇگىن…
وقۋشىلار سارايىندا ساع. 19.00-دە استانا قالاسى مەملەكەتتىك فيلارمونياسىنىڭ ءانشىسى ەستاي مۇقاشەۆتىڭ كونتسەرتى.
ەرتەڭ…
م.گوركي اتىنداعى مەملەكەتتىك اكادەميالىق ورىس دراما تەاترىندا ساع.18.00-دە ي.ۆىرىپاەۆتىڭ «ۆالەنتينوۆ دەن» يرونيالىق دراماسى قويىلادى.
سانسويلەم…
1 مامىر – قازاقستان حالقىنىڭ بىرلىگى كۇنى قارساڭىندا ەلورداداعى ادىلەت باسقارماسىندا 6 جاس جۇپ شاڭىراق كوتەرۋگە تىلەك ءبىلدىردى. جالپى 2013 جىلدىڭ 1-توقسانىندا ەلوردادا 4000-عا جۋىق نەكە تىركەلگەن. ونىڭ 600-گە جۋىعى – ينتەرناتسيونالدى وتباسىنىڭ وكىلدەرى.
ەركەجان ساتىمبەك
