ونەر ورەنى وسىرەدى
مەملەكەت باسشىسى نۇرسۇلتان نازارباەۆتىڭ «قازاقستان – 2050» ستراتەگياسى: قالىپتاسقان مەملەكەتتىڭ جاڭا ساياسي باعىتى» اتتى جولداۋىندا ايتىلعانداي, باسەكەگە قابىلەتتى دامىعان مەملەكەت بولۋ ءۇشىن ءبىز ساۋاتتىلىعى جوعارى ەلگە اينالۋىمىز كەرەك. ەلباسى ءوز سوزىندە ءبىلىم بەرۋ سالاسىنداعى باسىمدىقتاردىڭ ءبىرى رەتىندە «بۇكىل الەمدەگى سياقتى, قازاقستان مەكتەپكە دەيىنگى ءبىلىم بەرۋدىڭ جاڭا ادىستەرىنە كوشۋ كەرەك» دەپ ايتىپ وتتى. پرەزيدەنت ايتىپ وتىرعان سونداي جاڭا ادىستەردىڭ ءبىرى دەپ قوسىمشا ءبىلىم بەرۋ مەكەمەلەرىنىڭ كوپتەپ اشىلۋىن ايتار ەدىم. ويتكەنى, وقۋشىلاردىڭ شىعارماشىلىق قابىلەتتەرىن دامىتىپ, جالپى ونەرگە باۋلۋ, تانىم ءورىسىن كەڭەيتۋ ءۇشىن قوسىمشا ءبىلىم بەرۋ مەكەمەلەرىنىڭ ماڭىزى زور.
قازاقستان رەسپۋبليكاسىنىڭ ءبىلىم بەرۋ ءىسىنىڭ ۇزدىگى, سالانىڭ قۇرمەتتى قىزمەتكەرى باقىت ءابدىراشيتوۆا باسشىلىق ەتەتىن استاناداعى №1 ونەر مەكتەبى وسى تۇرعىدا قىرۋار شارۋا اتقارىپ كەلەدى.
مەكتەپتە مۋزىكا, كوركەمونەر, حورەوگرافيا, دايىندىق جانە 3-6 جاستاعى بۇلدىرشىندەردىڭ وي-ءورىسىن دامىتۋ ۇيىرمەلەرى جۇمىس ىستەيدى.
ۇجىمىمىزدا 34 پەداگوگ قىزمەت ەتەدى. وسى جانداردىڭ ەڭبەگىنىڭ ارقاسىندا مەكتەپ وقۋشىلارىنىڭ اۋىز تولتىرىپ ايتارلىق جەتىستىكتەرى بار. ءبىزدىڭ بالالار قالالىق, رەسپۋبليكالىق جانە الەمدىك بايقاۋلارعا قاتىسىپ, جۇلدەلى ورىندارعا يە بولىپ ءجۇر.
جاڭا وقۋ جىلى باستالعالى مەملەكەتتىك ءتىل مەرەكەسىنە ارنالعان مەكتەپىشىلىك «بولاشاعىڭ جارقىن سەنىڭ, قازاقستان!» اتتى ينتەللەكتۋالدى ويىن, قازاقستان رەسپۋبليكاسى اتا زاڭى مەرەكەسىنە وراي «ادام جانە زاڭ» ءىىى قالالىق سۋرەت بايقاۋى ۇيىمداستىرىلدى.
وقۋشىلارعا تاۋەلسىزدىك جولىندا قۇربان بولعان اعا ۇرپاقتىڭ ەرلىگىن ۇلگى ەتۋ ماقساتىندا «تۋى بيىك, تۇعىرلى ەل» كونتسەرتتىك باعدارلاماسى وتكىزىلدى.
جاڭا جىل قارساڭىندا «ەڭ ۇزدىك جاڭا جىلدىق كيىم» اتتى ءىV قالالىق بالالار بايقاۋى دا ونەر مەكتەبى ۇجىمىنىڭ ۇيىمداستىرۋىمەن ءوتتى.
بايقاۋعا جالپى ءبىلىم بەرەتىن 49 مەكتەپتەن 8-10 جاس ارالىعىنداعى وقۋشىلار قاتىسقان بولاتىن. باس جۇلدەنى جەڭىپ العان جەڭىمپاز پرەزيدەنتتىك شىرشاعا, ءى ورىن يەگەرىنە قالا اكىمىنىڭ شىرشاسىنا, ال ەكىنشى, ءۇشىنشى ورىن يەلەرى ەلوردا اۋداندارى ۇيىمداستىرعان جاڭا جىلدىق مەرەكەلىك كەشكە قاتىسىپ قايتتى.
تاربيەلىك ءمانى زور حالقىمىزدىڭ ەجەلدەن جەلىسى ۇزىلمەي جەتكەن كونە سالت-داستۇرلەرىنىڭ ءبىرى, كۇن مەن ءتۇننىڭ تەڭەسەتىن ۇلىستىڭ ۇلى كۇنى – ناۋرىز مەرەكەسىن تويلاۋ دا مەكتەپتىڭ وقۋ-تاربيەلىك جوسپارىنا سايكەس ەرەكشە اتالىپ ءوتتى.
مەرەكەگە قاتىسقان ءاربىر جان جەر شارىنداعى كوپتەگەن حالىقتاردىڭ ءداستۇرلى مەيرامىنا اينالىپ وتىرعان بۇل مەرەكەنىڭ تاريحى تۋرالى تولىق ماعلۇمات الىپ جانە اتا سالتىن ساقتاۋعا, وتانسۇيگىشتىك, ۇلتجاندىلىق قاسيەتتەرىن بويىندا قالىپتاستىرۋ ارقىلى وزدەرىنىڭ شىعارماشىلىق قابىلەتتەرىن اشۋعا مۇمكىندىك الدى.
سونداي-اق, ءساۋىر ايىندا وڭتۇستىك افريكا رەسپۋبليكاسىنىڭ تاۋەلسىزدىگى مەرەكەسىنە وراي استاناداعى وڭتۇستىك افريكا رەسپۋبليكاسى ەلشىلىگىمەن بىرلەسىپ مادەني شارا وتكىزۋ ءداستۇرگە اينالعان.
ۇلى جەڭىستىڭ تاعىلىمدارىن جاس ۇرپاقتىڭ بويىنا دارىتا ءبىلۋ, سول ارقىلى ولاردىڭ وتانسۇيگىشتىك سەزىمىن ارتتىرۋ دا مەكتەپ ۇجىمىنىڭ نازارىنان تىس قالىپ كورگەن ەمەس. جىل سايىن 7 مامىردا ۇلى وتان سوعىسى ارداگەرلەرىنە ارناپ «ارداگەرگە كادەسىي» اتتى قالالىق قولونەر بايقاۋ-اكتسياسى وتكىزىلەدى.
ءوزىم 2009 جىلدان بەرى وسى مەكەمەدە ۇرپاق تاربيەسى جولىندا ەڭبەك ەتىپ كەلەمىن. استانالىق جاس تالانتتاردى تاربيەلەۋدە مەنىڭ ۇجىمىمداعى وقىتۋشىلاردىڭ ۇلەسى زور دەپ سەنىمدى ايتا الامىن.
ەلميرا التىنباەۆا,
№1 ونەر مەكتەبى ديرەكتورىنىڭ تاربيە ءىسى جونىندەگى ورىنباسارى