استانا قالاسى اكىمىنىڭ ورىنباسارى ەرمەك امانشاەۆ رەسەي فەدەراتسياسىنىڭ كۋرسك وبلىسىنان كەلگەن مارتەبەلى مەيماندارمەن ديدارلاستى.
كەزدەسۋ بارىسىندا VIII استانا ەكونوميكالىق فورۋمىنا كەلگەن كۋرسك وبلىسى گۋبەرناتورىنىڭ ورىنباسارى ۆيكتور چەرنىح, وبلىستىڭ سىرتقى بايلانىستاردى دامىتۋ ءبولىمىنىڭ باسشىسى ەلەنا دەكتيارەۆا جانە ينۆەستيتسيا تارتۋ بويىنشا اگەنتتىكتىڭ باس ديرەكتورى ا.پارشۋكوۆ ايماقتاردىڭ ەكونوميكالىق دامۋىنىڭ بولاشاعى تۋرالى ويلارىن ايتتى.
اكىم ورىنباسارى ەرمەك امانشاەۆ كۋرسك وبلىسى مەن استانا قالاسى اكىمشىلىگىنىڭ گۋمانيتارلىق-مادەني ىنتىماقتاستىق بويىنشا كەلىسىم-شارتى اياسىندا اتقارىلعان جۇمىستار جايىنا توقتالدى. الداعى ۋاقىتتا دا بۇل جۇمىستار جالعاسىن تاۋىپ, ءوزارا دوستىق قارىم-قاتىناس ودان ءارى بەكي تۇسەتىنىن مالىمدەدى. ءوز كەزەگىندە ءسوز العان ۆيكتور چەرنىح الداعى جازدا وتەتىن «كۋرسك-كورەنسكايا» جارمەڭكەسىنە ەلوردالىقتاردى شاقىرا كەلگەنىن جەتكىزدى. ول توعىز جولدىڭ توعىسىندا ورنالاسقان وبلىستىڭ باستى جارمەڭكەسىنىڭ ينۆەستيتسيا تارتۋدا ەلەۋلى ورنى بارىن اتاپ ءوتتى. «ءبىزدىڭ ماقساتىمىز ءورىسىمىزدى كەڭەيتىپ, ەكى ەل كاسىپكەرلەرىنىڭ جۇمىسىن جانداندىراتىن قولايلى جاعداي تۋعىزۋ» دەدى ۆيكتور دميتريەۆيچ.
ايگۇل ۋايسوۆا
