25 مامىردا تاۋەلسىزدىك سارايىندا جالپى ورتا ءبىلىم بەرەتىن پاندەر بويىنشا حالىقارالىق, رەسپۋبليكالىق وليمپيادالار مەن عىلىمي جوبالار كونكۋرسىنىڭ جەڭىمپازدارىن جانە جۇلدەگەرلەرىن سالتاناتتى تۇردە ماراپاتتايتىن ءداستۇرلى «تريۋمف» بالى وتەدى.
2014-2015 وقۋ جىلىندا استانا قالاسىنىڭ وقۋشىلار كومانداسى اقش, برازيليا, گرۋزيا, رەسەي, كورەي ەلدەرىندەگى ءبىلىم دودالارىنا قاتىسىپ, 235 مەدال مەن
81 جۇلدەلى ورىنعا يە بولدى. ەلوردالىق وقۋشىلار رەسپۋبليكالىق وليمپيادالار مەن عىلىمي جوبالار جارىسىندا جىل سايىن توپ جارىپ, «ۇزدىك كوماندا» اتانۋدا.
بيىل «تريۋمف» بالىنا ون ءبىر ۇزدىك وقۋشىمەن بىرگە قوناق رەتىندە قر پارلامەنتىنىڭ جانە استانا قالاسى ءماسليحاتىنىڭ دەپۋتاتتارى, قر ءبىلىم جانە عىلىم مينيسترلىگىنىڭ, «دارىن» وڭىرلىك عىلىمي تاجىريبەلىك ورتالىعىنىڭ جانە استانا قالاسى اكىمدىگىنىڭ وكىلدەرى, ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتى مەن م.ۆ.لومونوسوۆ اتىنداعى ماسكەۋ مەملەكەتتىك ۋنيۆەرسيتەتىنىڭ قازاقستانداعى فيليالىنىڭ عالىمدارى, استانا قالاسى ءبىلىم بەرۋ مەكەمەلەرىنىڭ باسشىلارى شاقىرىلدى.
ءىس-شارا بارىسىندا تالانتتى وقۋشىلاردى قولداپ, سالتاناتتى تۇردە قۇرمەت كورسەتىلەدى.
ساعي ورال
