قازاق-قىرعىز بايلانىسى بەكي تۇسەدى

ەلباسى قازاقستانعا مەملەكەتتىك ساپارمەن كەلگەن قىرعىز رەسپۋبليكاسىنىڭ پرەزيدەنتى المازبەك اتامباەۆپەن كەزدەستى.

شاعىن قۇرامداعى كەزدەسۋ بارىسىندا ساۋدا-ەكونوميكالىق, ينۆەستيتسيالىق, وتىن-ەنەرگەتيكالىق, كولىك-ترانزيتتىك جانە مادەني-گۋمانيتارلىق سالالارداعى ىنتىماقتاستىقتى نىعايتۋ ماسەلەلەرى تالقىلاندى.

مەملەكەت باسشىلارى حالىقارالىق كۇن تارتىبىندەگى وزەكتى جايتتار مەن حالىقارالىق ۇيىمدار اياسىنداعى ءوزارا ءىس-قيمىل ماسەلەلەرى جونىندە دە پىكىر الماستى.

سونىمەن قاتار, نۇرسۇلتان نازارباەۆ پەن المازبەك اتامباەۆ ەۋرازيالىق ەكونوميكالىق وداق اياسىنداعى ينتەگراتسيالىق ۇردىستەردىڭ نەگىزگى دامۋ باعىتتارى تۋرالى ءسوز قوزعادى.

مەملەكەت باسشىسى قازاقستاننىڭ قىرعىزستانعا قاجەتتى كومەك پەن قولداۋ كورسەتۋگە دايىن ەكەنىن ايتتى.

– قازاق پەن قىرعىز – ەجەلدەن باۋىرلاس حالىقتار. ءبىز قىرعىزستانداعى وقيعالاردى ءجىتى باقىلاپ وتىرمىز. ءسىزدىڭ بۇگىنگى ساپارىڭىز جانە ونىڭ بارىسىندا قول قويىلاتىن قۇجاتتار ەلدەرىمىزدىڭ اراسىنداعى جوعارى دەڭگەيدەگى قارىم-قاتىناستاردىڭ ايعاعى بولىپ سانالادى, – دەدى قازاقستان  پرەزيدەنتى.

نۇرسۇلتان نازارباەۆ سونىمەن بىرگە قىرعىزستان پرەزيدەنتىنىڭ ساپارى الەمدە قالىپتاسقان كۇردەلى گەوساياسي احۋال جاعدايىندا ءوتىپ جاتقانىن دا اتاپ ايتتى.

– اۋعانستاندا جانە سيريادا بولىپ جاتقان وقيعالار, رەسەي مەن باتىس اراسىنداعى كەلىسپەۋشىلىكتەر ءبىزدىڭ ەلدەرىمىزگە اسەر ەتۋدە. ءبىز الدىمىزدا تۇرعان بارلىق ماسەلەلەردى بىرلەسكەن كۇش-جىگەرمەن شەشۋگە ءتيىسپىز. قازاقستان مەن قىرعىزستان ءوز ىنتىماقتاستىعى ارقىلى وزگە ەلدەرگە ۇلگى كورسەتۋى كەرەك, – دەدى مەملەكەت باسشىسى.

ءوز كەزەگىندە المازبەك اتامباەۆ قىرعىز رەسپۋبليكاسىنا قازاقستاننىڭ كورسەتىپ وتىرعان قولداۋى ءۇشىن نۇرسۇلتان نازارباەۆقا العىسىن ايتتى.

مەملەكەت باسشىسى, سونداي-اق, كەزدەسۋ بارىسىندا ا.اتامباەۆقا ەلدەرىمىزدىڭ اراسىنداعى دوستىقتى دامىتۋعا قوسقان ۇلەسى ءۇشىن I دارەجەلى «دوستىق» وردەنىن  تاپسىردى.

 akorda.kz