بۇرناعى كۇنى يۋنەسكو ىستەرى جونىندەگى ۇلتتىق كوميسسيالاردىڭ ايماقارالىق كەڭەسىنە قاتىسۋشى دەلەگاتتار «مىڭجىلدىقتار توعىسىنداعى استانا» كوشپەلىلەر وركەنيەتى فەستيۆالىن تاماشالادى. شەتەلدىك قوناقتاردى ەتنواۋىلدا اق جاۋلىقتى انالار تاتتىدەن شاشۋ شاشىپ قارسى الدى.
كوشپەلiلەردiڭ كونە ءداستۇرى جاڭعىرىپ, ەجەلگى كاسىپ جاندانعان «مىڭجىلدىقتار توعىسىن» ارالاعان مەيماندار الدىمەن ات قۇلاعىندا ويناعان قازاق جiگiتتەرiنiڭ ونەرiنە ءتانتى بولدى. «نوماد» كاسكادەرلىك توبى الەمنىڭ ءار تۇكپiرiنەن كەلگەن دەلەگاتسيا مۇشەلەرىنە قازاقتىڭ عانا ەمەس, ءتۇبى ءبىر تۇركى جۇرتىنىڭ ۇلتتىق سپورتى مەن ويىن تۇرلەرىن كورسەتتى. الاڭقايداعى قازاق باتىرلارىنىڭ نايزالاسۋ, قىلىشتاسۋ ونەرى, قىز قۋ, تەڭگە ءىلۋ, اۋدارىسپاق سىندى ويىندار كورەرمەندەرگە تاڭداي قاقتىردى.
دەلەگاتتار ەتنو-اۋىلداعى قولونەر بۇيىمدارىنىڭ جارمەڭكەسىن ارالاپ, تەمiردi يلەپ يەتىن, اعاشتان ءتۇيىن تۇيەتىن ۇستالاردىڭ كوز جاۋىن الاتىن زەرگەرلىك اشەكەيلەرىنە, ات ابزەلدەرىنە, قىش قۇمىرالارىنا قىزىعۋشىلىق تانىتتى.
بىرنەشە اقشاڭقان كيىز ۇيگە باس سۇققان كەڭەس قاتىسۋشىلارى ۇلتتىق مازىرىمىزدەن ءدام تاتىپ, ۇرشىق ءيىرىپ, ءجۇن تۇتكەن, سىرماق سىرعان اجەلەردىڭ ونەرىن تاماشالادى. بەسىك تەربەتكەن انانىڭ الديىنە ءسۇيسىندى. قازاق مادەنيەتىنە تاڭداي قاعىسقان قوناقتار قۇسبەگىلەردىڭ بۇركىتى مەن سالپاڭ قۇلاق, اش قۇرساق تازىلاردى دا كوردى.
ۇلى دالانى مەكەندەگەن ۇلتتاردىڭ تاريحى مەن مادەنيەتىن پاش ەتەتىن ساحنالىق قويىلىمدار مەن ءان مەن جىر كەشتەرى دەلەگاتتارعا ۇلت بەينەسىن تاعى دا ايشىقتاي ءتۇستى. «سازگەن سازى» ءانسامبلى, ايگۇل قوسانوۆا, ەرلان رىسقالي, ايگۇل ۇلكەنباەۆا سىندى ءداستۇرلى انشىلەر مەن كۇيشىلەردىڭ ونەرى كوپشىلىككە كوتەرىڭكى كوڭىل-كۇي سىيلادى.
اسحات رايقۇل
