قۇرمەتتى استانالىقتار! قىمباتتى ۇلى وتان سوعىسى جانە تىل ارداگەرلەرى, وتان قورعاۋشىلار!
سىزدەردى استانا قالالىق ءماسليحاتى اتىنان ۇلى جەڭىس كۇنى جانە وتان قورعاۋشىلار مەرەكەسىمەن شىن جۇرەكتەن قۇتتىقتايمىن!
9 مامىر – ءاربىر وتان قورعاۋشىنىڭ ار-نامىسى مەن انتىنا ادالدىقتىڭ, ەرلىكتىڭ ۇلگىسىن پاش ەتكەن مەرەكە رەتىندە تاريحقا ماڭگىلىككە ەندى.
بۇگىن ءبىز سىزدەردىڭ ماڭگى وشپەس ەرلىكتەرىڭىزدىڭ الدىندا باسىمىزدى يەمىز. ءسىزدەردىڭ ەرلىككە تولى جاستىق شاقتارىڭىزدىڭ جارقىن ساۋلەسى كەيىنگى ۇرپاققا ۇنەمى جول كورسەتىپ, جەلەپ-جەبەپ تۇراتىن بولادى.
وتانىمىزدىڭ تىنىشتىعى كۇزەتىندە تۇرعان ءبىزدىڭ ايبىندى قارۋلى كۇشتەرىمىزدىڭ ارقاسىندا بارشا ەل تۇرعىندارى بەيبىتشىلىك پەن كەلىسىمدە ءومىر سۇرۋگە مۇمكىندىك الىپ, جارقىن بولاشاققا ۇلكەن جوسپارلارىن قۇرادى. بىلە بىلگەنگە بۇل – ۇلكەن باقىت!
وسى ايتۋلى مەرەكەگە وراي سوعىس جانە تىل ارداگەرلەرىنە, قالا تۇرعىندارىنا مىقتى دەنساۋلىق, ۇزاق عۇمىر تىلەيمىن. ءاردايىم اسپانىمىز اشىق بولىپ, باقىتتى كۇندەرىمىز كوپ بولعاي!
جانات نۇرپەيىسوۆ,
استانا قالالىق
ءماسليحاتىنىڭ حاتشىسى
