استانا اكىمى باقىت سۇلتانوۆ باستاعان كوميسسيا قالانىڭ كوممۋنالدىق قىزمەت پەن مەردىگەرلەردىڭ قىسقا دايىندىعىن تەكسەرىپ, «استانا تازالىق» جشس جانە «استانا زەلەنستروي» اق تەحنيكالارىن كورىپ شىقتى.
ەكى كومپانيانىڭ دا پاركى 400 مامانداندىرىلعان تەحنيكادان اسادى. ولاردىڭ باسشىلىعى بارلىق تەحنيكانىڭ قىسقا دايىن ەكەندەرىن جەتكىزدى. قىزمەتكەرلەر شتاتى دا جاساقتالعان. قار جاۋعان كۇندەرى كوشەگە ەسىل اۋدانى بويىنشا 526 تەحنيكا, بايقوڭىر اۋدانىندا – 177, سارىارقا اۋدانىندا – 437, الماتى اۋدانىندا 452 تەحنيكا شىعۋعا دايىن.
قازىرگى تاڭدا, قالانىڭ جاڭا كوشەلەرىن ەسەپكە الا وتىرىپ, مارشرۋت پەن استانا جولدارىن تازالاۋدىڭ رەجيمى قايتا قاراستىرىلۋدا.
استانا ەلىمىزدەگى اۋلا الاڭدارىن پيك-تەر ەمەس, اۋداندىق اكىمدىكتەر تازالايتىن بىردەن-ءبىر قالا. قىسقى ماۋسىمعا «استانا تازالىق» جشس قازىردەن 20 مىڭ تەكشە مەتر قۇمدى-تۇزدى قوسپانى دايىنداپ قويدى. جۋىق ارادا وسى ماتەريالدىڭ تاعى دا 8 مىڭ تەكشە مەترى دايىندالماق. دايىن بولعان رەاگەنت اۋداننىڭ مارشرۋتى بويىنشا ازىرلەنگەن. شىعىس تاسجولداردا جانە قاتتى قار جاۋعان كەزدە پايدالانىلاتىن ارنايى روتورلار دا قىسقى ماۋسىمعا دايىن.
«بىزگە قىسقا تولىقتاي دايىن بولۋ كەرەك. قالا تۇرعىندارى اۋا رايىنىڭ قولايسىزدىعىنا بايلانىستى جولداردا جايسىزدىق سەزىنبەۋ ءۇشىن كوممۋنالدىق قىزمەتتەر ساعات سياقتى جۇمىس ىستەپ تۇرۋى ءتيىس» دەدى ب.سۇلتانوۆ. قالا باسشىسى سانيتارلىق تازالاۋعا قاتىساتىن مەردىگەرلىك ۇيىمدارمەن كەلىسىمشارتتى جاڭا فورماتقا اۋىستىرۋ تۋرالى ماسەلەنى قايتا قاراۋدى تاپسىردى (بۇگىندە ولار نارىقتىڭ 50 % قۇرايدى).
