سارىارقا اۋدانىنداعى سالتانات

كەشە سارىارقا اۋدانى اكىمدىگىنىڭ ۇيىمداستىرۋىمەن №20 ورتا مەكتەپ جانە «جاستار» تەاترىنىڭ اۋماقتارىندا ناۋرىز مەرەكەسى تويلاندى.

بۇگىن №49 ورتا مەكتەپ اۋماعىندا جانە 22 ناۋرىز كۇنى «ناز» تەاترىنىڭ ال­دىنداعى الاڭدا ۇلىستىڭ ۇلى كۇنى مەرەكەسىن تويلاۋ جالعاسپاق. تۇرعىن الاپتارى حالقىنا ارنالعان مە­رە­كەلىك كونتسەرتتى «ناز» تەاترى جانە اتالعان مەكتەپدىڭ ونەر­پازدارى كورسەتەدى. كون­تسەرتتەن بولەك ءتۇرلى سپورت­تىق سايىستار مەن ويىندار ۇيىمداستىرىلادى. جەڭىمپازداردى قالالىق ءماسليحات دەپۋتاتتارى ماراپاتتايدى. قالا كاسىپكەرلەرى تويشىل قاۋىمعا ناۋرىز كوجە, تاعى باسقا ۇلتتىق تاعامداردى ۇسىنادى.

سونداي-اق, سارىارقا اۋدانىنىڭ اكىمدىگى استانا قالاسى مادەنيەت باسقارماسى جانە «استانا ەكسپو-2017» ۇلتتىق كومپانياسىمەن بىرگە وسى كۇندەرى قالالىق الاڭدا وتەتىن مەرەكەلىك شارالارعا اتسالىسادى. ول ءۇشىن بەيبىتشىلىك كوشەسى جاعىنان 8 كيىز ءۇي تىگىلىپ, قولدانبالى ونەر كورمەسى ۇيىمداستىرىلادى. سونىمەن بىرگە, قالا مەكەمەلەرى ۇلتتىق سالت-داستۇرلەردى كورسەتەدى.

اتاپ ايتساق, «استانا» مەديتسينالىق ۋنيۆەرسيتەتى «تۇساۋكەسەردى», ەنەرگەتيكا باسقارماسى «باتا بەرۋدى», تابيعي رەسۋرستار باسقارماسى «ناۋرىز ايتىستى», «استانا تازالىق» جشس «بەتاشاردى», «№3 اۆتوبۋس پاركى» جشس «ات قويۋدى», سارىارقا اۋدا­نىنداعى «پاراسات» پيك قاۋىم­داستىعى «ۇلتتىق ويىن­داردى», ءبىلىم باسقارماسى «كەشىرىم ءداستۇرىن» جانە «استانا – جاڭا قالا» جشس «كورىسۋ-امانداسۋدى» دايىنداپ وتىر.

بۇلاردان باسقا قر قور­عانىس مينيسترلىگىنىڭ ور­تا­لىق ءانسامبلى كونتسەرتتىك باع­دارلامانى ۇسىنادى.

امانعالي قالجانوۆ