Астаналық нарық – жақсы инвестициялық алаң
Елорда әкімі Алтай Көлгінов құрылыс материалдарын өндірумен айналысатын «Mesa Holding» компаниясының өкілдерімен кездесті. Кездесу барысында қала басшысы Мемлекет басшысының тапсырмасына сәйкес елордада инвесторларды тарту үшін барлық қолайлы жағдайлар жасалатынын атап өтті.
Кездесуде әкім Нұр-Сұлтанда құрылыс нарығы қарқынды дамып келе жатқанын атап өтті. Халық арасында қолжетімді тұрғын үйге үлкен сұраныс бар. Жыл сайын қалада 2 миллион шаршы метр тұрғын үй салынуда. Сондықтан астаналық нарық әлемге танылған «Mesa Holding» компаниясы үшін жақсы инвестициялық алаң бола алады.
Өз кезегінде әлеуетті инвестор – «Mesa Holding» компаниясы елорданың Индустриалды паркінің аумағында құрылыс материалдары мен жабдықтарын шығаратын зауыт салуға мүдделілік білдірді.