Астанада иммундау апталығы өтуде, деп хабарлайды astana-akshamy.kz
Дүниежүзілік денсаулық сақтау ұйымының (ДДҰ) Еуропалық аймақтық бюросының бастамасымен соңғы 16 жыл ішінде (2005 жылдан бастап) жыл сайын сәуір айының соңында иммундау апталығы өтеді.
Еуропалық иммундау апталығы (ЕИА) – иммундауды насихаттаудың тиімді механизмі.
ЕИА-ның мақсаты – халықтың иммундауға назарын аударып, оның маңыздылығы туралы сауатын арттыру. Сол арқылы вакцинациялау деңгейін арттыру. Бұл ретте халықтың осал топтарына ерекше назар аударылады.
Ағымдағы жылы бұл акция 22-28 сәуір аралығында «Вакцина: өткен, қазіргі және болашақ ұрпақ үшін денсаулықты қорғау» ұранымен өткізілетін болады.
Акцияның мақсаты – вакцинопрофилактика мәселелерінде халықтың хабардарлық деңгейін арттыру, халықты міндетті иммундауға тарту, ақпаратты теріс көзқарастағы адамдарға, оның ішінде ата-аналарға, діни консерваторларға жеткізу және осылайша жұқпалы аурулардың алдын алуға және адамдардың денсаулығын сақтауға бағытталған вакцинопрофилактиканың табыстылығын қамтамасыз ету.
Халықтың қарқынды көші-қон процестерінің қазіргі жағдайында эндемиялық елдерден (Пәкістан, Ауғанстан, Тәжікстан) жабайы полиомиелит вирусын, қызылша вирусын, пандемиялық тұмауды және жұқпалы аурулардың басқа да қоздырғыштарын кез келген елге, оның ішінде Қазақстанға әкелу қаупі тұрақты.
Республикада тұрақты эпидемиялық жағдай жасау үшін балалар мен жасөспірімдерге қызылшаға, қызамыққа, полиомиелитке қарсы бірнеше рет жаппай қосымша вакцинация жүргізілді.
Әр елдің өзінің бекітілген Ұлттық егу күнтізбесі және халық егетін жұқпалы аурулардың тізімі бар. Сондай-ақ, Қазақстанның Үкімет қаулысымен бекітілген егу күнтізбесі бар. Қазақстан Республикасында Вакцинация республикалық бюджет есебінен жүзеге асырылады.
Профилактикалық егулерді кеңінен жүргізудің арқасында Астана қаласында дифтерия, сіреспе, полиомиелит, құтыру сияқты аурулар тіркелген жоқ, жекелеген вакцинамен басқарылатын инфекциялар жекелеген жағдайлар түрінде тіркеледі.
Республикада халықты иммундау үшін ҚР-да мемлекеттік тіркеу рәсімінен өткен вакциналар қолданылады. 2013 жылдан бастап ҚР-ға әкелінетін вакцинаның әрбір партиясын олардың сапасы мен қауіпсіздігін бағалай отырып міндетті сертификаттау енгізілді.
Неліктен иммундау мәселелеріне көп көңіл бөлінеді?
Вакцинацияның арқасында басқарылатын инфекциялардың өршу жиілігі соңғы жылдары күрт төмендеді көптеген ата-аналар да, денсаулық сақтау мамандары да вакцинаның алдын алуға адал. Вакциналарға қатысты қоғамдық пікірге ғаламторда, баспасөз беттерінде вакцинацияның қажеттілігі туралы жарияланымдар әсер етеді, яғни жекелеген жағдайларда иммундау өз табысының құрбаны болды.
Сонымен қатар, вакцинация арқылы алдын алуға болатын аурулар жыл сайын еуропа елдерінде жас балалардың едәуір санын өлтіреді. Барлық елдерде осал және қол жетпейтін вакцинацияланбаған популяциялар бар, олар кейіннен жұқпалы аурулардың өршуін тудырады.
Иммундау жыл сайын миллиондаған адамдардың өмірін сақтап қалады және бұл табысқа жету керек. Медицина қызметкерлерінің аурулардың қаупі мен вакцинацияның пайдасы туралы ақпаратты халыққа қолжетімді тілде жеткізуі өте маңызды.
Қазақстанда барлығына вакцинация тегін жүргізіледі,оның ішінде басқа елдерден келгендерге де қолжетімді. Иммундау апталығы кезеңінде қалада тұрғылықты мекенжай бойынша тіркелмеуіне қарамастан, қаланың аумақтық емханасында екпе ала алады.
Бүгінгі таңда иммундауға балама жоқ.
Бірақ кейбір медицина қызметкерлері бұл мәселені жергілікті атқарушы органдардың, жұмыс берушілердің, бұқаралық ақпарат құралдарының көмегінсіз шеше алмайды.
Астана қаласының Санитариялық-эпидемиологиялық бақылау департаменті тұрғындарды өз денсаулығына қамқорлық жасауға және профилактикалық егулерді уақтылы алуға шақырады!
