Qūrylystyŋ bastapqy satysynda üleskerlerdıŋ aqşasyn qabyldauǧa tiıstı rūqsaty joq qūrylys ūiymdarynyŋ tızımı jasaldy. Būl turaly elorda äkımdıgınıŋ resmi saity aqparat taratty.
Qoldanystaǧy zaŋnamany ainalyp ötıp jasalǧan barlyq mämıleler (aldyn ala brondau şarty, rezervteu şarty, investisiialau şarty, talap etu qūqyǧyn basqaǧa beru şarty) tömende körsetılgen köppäterlı tūrǧyn üi keşenderınde jaramsyz bolyp sanalady. Astana qalasynyŋ äkımdıgı aqşaŋyzǧa abai bolu kerektıgın eskertedı jäne rūqsat qūjattary joq tūrǧyn üilerdıŋ päterlerın satyp aludy qoldamaidy (qūrylysqa rūqsat, «Jobalardyŋ memlekettık vedomstvodan tys saraptamasy» ŞJQ RMK oŋ qorytyndysy).
Üleskerlerdıŋ qarajatyn tiıstı rūqsatsyz qabyldauǧa «Tūrǧyn üi qūrylysyna ülestık qatysu turaly» Qazaqstan Respublikasynyŋ zaŋnamasymen tyiym salynady, būl rette Qazaqstan Respublikasynyŋ Äkımşılık qūqyq būzuşylyq turaly Kodeksınıŋ 320-baby, sondai-aq Qazaqstan Respublikasy Qylmystyq kodeksınıŋ 214-baby boiynşa käsıpkerlık qyzmettıŋ tyiym salynǧan türlerımen ainalysqany üşın jaza qarastyrylǧan. Barlyq sūraqtar boiynşa Astana qalasy, Saryarqa audany, Beibıtşılık k-sı, 9-üidegı «Astana qalasynyŋ qalalyq orta sapasy jäne baqylau basqarmasy» memlekettık mekemesıne habarlasuyŋyzdy sūraimyz. Bailanys telefondary: 8 (7172) – 55-04-28, 55-67-03.
Üleskerlerdıŋ aqşasyn tartuǧa qūqyǧy joq qūrylys kompaniialarynyŋ tızımın myna jerden oqi alasyzdar:
