Astana äuejaiynda mas jolauşy bırden üş bappen äkımşılık jauapkerşılıkke tartyldy, dep habarlaidy astana-akshamy.kz
Oqiǧa Astana – Almaty baǧytyndaǧy äue reisınıŋ jolauşylaryn tekseru kezınde boldy.
Almaty qalasynyŋ 38 jastaǧy tūrǧyny masaŋ küide qoǧamdyq orynda balaǧat sözder aityp, tekseru qyzmetı qyzmetkerlerınıŋ eskertulerıne qūlaq aspaǧan. Män-jaidy anyqtau barysynda er adam bilık ökılderınıŋ zaŋdy talaptaryn oryndamaǧan.
Alaida, qarsylyq tanytqanyna qaramastan, qūqyq būzuşy ūstalyp, polisiia bölmesıne jetkızıldı.
Ūstalǧan azamat alkogoldık ışımdıkterdı ışkenı nemese qoǧamdyq oryndarǧa masaŋ küiınde kelgenı üşın, ūsaq būzaqylyq jasap, qūqyq qorǧau organy qyzmetkerınıŋ zaŋdy ökımıne nemese talabyna baǧynbaǧany üşın bırden üş bappen äkımşılık jauapkerşılıkke tartylyp, oǧan 5 AEK mölşerınde aiyppūl salyndy. Ūsaq būzaqylyq pen baǧynbau boiynşa materialdar şeşım şyǧaru üşın sotqa joldandy. Aita ketu kerek, būl qūqyq būzuşy būǧan deiın bır jyl ışınde ūsaq būzaqylyq jasaǧany üşın äkımşılık jauapkerşılıkke tartylǧan bolatyn.
Esterıŋızge sala keteiık, jyl basynan berı kölıktegı polisiia departamentınıŋ qyzmetkerlerı türlı äkımşılık qūqyq būzuşylyqtar jasaǧany üşın 26 330 qūqyq būzuşyny anyqtap, jauapqa tartqan bolatyn. Onyŋ ışınde qoǧamdyq oryndarǧa masaŋ küiınde kelgenı üşın – 1 992, ūsaq būzaqylyq üşın – 219, qūqyq qorǧau organy qyzmetkerınıŋ zaŋdy talabyna baǧynbaǧany üşın – 23.
