Qazaqstan Respublikasy Syrtqy ıster ministrınıŋ orynbasary Roman Vasilenko Niderland Syrtqy ıster ministrlıgı Europa departamentınıŋ direktory Erik Veststrate bastaǧan niderland delegasiiasymen kezdestı, dep habarlaidy astana-akshamy.kz
Kezdesu basynda Qazaqstan diplomaty Niderlandtyŋ Qazaqstan aimaqtaryndaǧy su tasqynyna qarsy küreste körsetken saraptamalyq qoldauyna alǧys bıldırdı.
Taraptar özara qyzyǧuşylyq tudyratyn keŋ auqymdy mäseleler boiynşa qazaq-niderland yntymaqtastyǧynyŋ qazırgı jaǧdaiy men perspektivalaryn talqylady.
R.Vasilenko ekı eldıŋ syrtqy saiasi vedomstvolary arasyndaǧy belsendı dialogty qūptai otyryp, Qazaqstan tarapy barlyq deŋgeidegı ekıjaqty bailanystardy nyǧaituǧa müddelı ekenın rastady.
Sonymen qatar, öŋırlık jäne halyqaralyq kün tärtıbındegı özektı taqyryptar, sondai-aq köpjaqty qūrylymdar aiasyndaǧy özara ıs-qimyl talqylandy.
