Parlament Mäjılısı deputattyǧyna kandidat, Qazaqstan halyq partiiasy töraǧasynyŋ orynbasary Aleksandr Miliutin Semei qalasyndaǧy «Spartak» stadionynda aiaqdopşylarmen kezdestı.
Partiia ökılı otandastardyŋ jaqsy ömır süruı üşın Halyq partiiasynyŋ qandai özgerıster engızudı közdep otyrǧanyn aitty.
«Semei ötken jyly oblys ortalyǧy märtebesıne ie boldy. Al būl özgerıs oblys tūrǧyndarynyŋ ömır süru sapasyna äser etuı tiıs. Halyq partiiasy aimaqtardy damytu, tūrǧyn üi-kommunaldyq şaruaşylyǧyn jaŋartu, zamanaui joldar saludy talap etedı» dedı Aleksandr Miliutin.
Sondai-aq Parlament Mäjılısınıŋ deputattyǧyna kandidat, partiia töraǧasynyŋ orynbasary Ashat Asylbekov Atyrau qalasyndaǧy «Köktem» bazarynda sailaualdy ügıt-nasihat jūmysyn jürgızdı.
Partiia ökılı Atyrau jūrtymen jüzdeskende, Halyq partiiasy äielderdı 58 jasta zeinetke şyǧudy qoldap, bastama kötergenın aitty. Nätijesınde Ükımet zeinet jasyn köteruge 5 jylǧa moratorii engızdı. Sondai-aq partiia AÄK-ten bas tartyp, onyŋ ornyna balalar järdemaqysynyŋ mölşerın 70000 teŋgege deiın köbeitu kerek dep esepteidı.
Qazaqstandaǧy äleumettık teŋsızdık saldarynan bügınde 3 millionǧa juyq adam kedeilıkte ömır sürıp otyr. Sondyqtan Qazaqstan halyq partiiasy «Kedeilıkpen küres turaly» zaŋnyŋ qabyldanuyn talap etedı jäne bügınge eŋ tömengı jalaqy 140 myŋ teŋge boluy kerek dep sanaidy.
«Auyldarda köpbalaly otbasylar üşın tegın tūrǧyn üi salu kerek» dedı Parlament Mäjılısı deputattyǧyna kandidat Gauhar Tanaşeva sailaualdy ügıt-nasihat jūmysyn Syr elınde jalǧastyrǧan saparynda. Spiker qyzylordalyq köpbalaly analarmen kezdesıp, QHP-nyŋ sailaualdy baǧdarlamasyn tanystyrdy. Partiia balabaqşadan bastap qazaqstandyqtarǧa medisinalyq qyzmet körsetu men bılım berudı tegın etudı qoldaidy.
