ALAŞ AIBYNY – ASTANA
Elorda äkımdıgı el Täuelsızdıgınıŋ 25 jyldyǧyna arnap 60-tan asa şara daiyndap jatyr, dep habarlaidy astana.gov.kz.
Merekelık şaralarǧa qatysuǧa pedagogtarǧa, därıgerlerge, sportşylarǧa, qūrylysşylarǧa, käsıpkerlerge, studentterge, köp balaly analarǧa jäne eŋbek ūjymdaryna, jas respublikanyŋ damuyna eleulı üles qosqan, Qazaqstandy şetelge tanytqan azamattarǧa basymdyq berıledı. Sonymen qatar, elorda tūrǧyndary men qonaqtary Täuelsızdık künın merekeleuge arnalǧan körmeler men konsertterdı tamaşalai alady.
Atap aitqanda, 13 jeltoqsanda Oquşylar saraiynda (B.Momyşūly daŋǧyly) «Mäŋgılık el – quatty Qazaqstan» merekelık konsertı ötedı; 22 jeltoqsanda Aqbūlaq özenınıŋ jaǧalauynda jäne «Jerūiyq» saiabaǧynda «Mūz üstındegı qala» mūz qalaşyqtary, mektepterdıŋ aumaqtarynda hokkei korttary aşylady; jeltoqsannyŋ 10-ynan 12-sıne deiın Almaty audanynyŋ tūrǧyn alaptarynda «Astana şattyq» avtokeruenı Qazaqstan estradasy jūldyzdarynyŋ qatysuymen merekelık konsert ötedı; 23 jeltoqsanda «Qazaqstan» sport saraiynda jetım balalar men äleumettık jaǧynan az qamtylǧan otbasylardan şyqqan jetkınşekter üşın tegın mūzda konki tebu şarasy ūiymdastyrylady.
Sondai-aq, zeinetkerler, köp balaly jäne tūrmysy tömen azamattar 18, 19, 24, 25, 26 qaraşa künderı M.Gorkii atyndaǧy memlekettık akademiialyq orys drama teatrynda jäne 29 qaraşaǧa deiın Q.Quanyşbaev atyndaǧy memlekettık qazaq muzykalyq drama teatrynda qoiylymdardy tegın tamaşalaidy.