Elordada QR Prezidentı janyndaǧy Äielder ısterı jäne otbasylyq-demografiialyq saiasat jönındegı ūlttyq komissiia, Bas prokuratura jäne Işkı ıster ministrlıgı ökılderımen bırlesken top müşelerı «Äielderge qatysty zorlyq-zombylyqsyz 16 kün» aksiiasy aiasynda Astana äkımdıgıne qarasty «Zorlyq-zombylyq nemese zorlyq-zombylyq qauıpı saldarynan qiyn jaǧdaiǧa tap bolǧan adamdarǧa arnalǧan daǧdarys ortalyǧy baspanasy» mekemesınıŋ jūmysymen tanysty.
Kezdesu barysynda Ūlttyq komissiia töraǧasynyŋ orynbasary Elena Tarasenko täuelsızdık alǧan jyldardaǧy jetıstıkke qysqaşa toqtalyp ötıp, elımızdegı äielderge jasalyp otyrǧan qamqorlyq jaiynda salmaqty söz qozǧady.
Odan keiın Daǧdarys ortalyǧynyŋ direktory Ǧaliia Hametqyzy atalǧan mekemenıŋ bügıngı atqaryp otyrǧan jūmysy turaly baiandady.
– Negızınen, ortalyq 50 orynǧa şaqtalǧan. Däl qazırgı taŋda 9 äiel, 20 bala tūryp jatyr. Ortalyqqa qiyn jaǧdaiǧa tap bolǧan 18 ben 58 jas aralyǧyndaǧy azamatşalardy qabyldaidy. Aldymen ol kısılerdı medisinalyq tekseruden ötkızemız. Sodan soŋ osynda alty aiǧa deiın tūruǧa mümkındık berıledı. Olarmen psihologtar jūmys ısteidı. Degenmen bızdıŋ maqsatymyz – zorlyq-zombylyqqa ūşyraǧan azamatşalardy otbasyna qaitaryp, otaǧasymen qaita tabystyru. Bügınge deiın bızge kelgenderdıŋ 90 paiyzy otbasylaryna oraldy. Äsırese, bızge oŋtüstık ölkeden elordaǧa kelgen 18-30 jas aralyǧyndaǧy kelınşekter köbırek habarlasady. Olarǧa zaŋgerler qūqyqtyq jaǧynan keŋes beredı. Aldaǧy taŋda ortalyqtyŋ auqymyn keŋeitu oida bar. Mäselen, respublikalyq deŋgeide täulık boiy qyzmet körsetetın «senım telefonyn» qoisaq deimız. Ortalyqqa habarlasqan azamatşalarǧa tolyq keŋes berıp, qoldan kelgenşe kömekteskımız keledı. Köbınese äielder osyndai ortalyq bar ekenın bılmeidı. Sondyqtan aqparattyq şaralarǧa basa nazar audaryp otyrmyz, – dedı ortalyq direktory.
Aita keteiık, bügıngı künı elımızdıŋ barlyq öŋırlerınde 28 daǧdarys ortalyǧy jūmys ısteidı. Onyŋ ışındegı 17 ortalyqta azamatşalar panalaityn baspana bar. Olardyŋ barlyǧy da qiyn jaǧdaiǧa tap bolǧan äielderge medisinalyq, qūqyqtyq jaǧynan qoldau körsetıp otyr.
Şara soŋynda Ūlttyq komissiia töraǧasynyŋ orynbasary Elena Tarasenko jinalǧan mamandarǧa otbasy men qoǧamdyq tūrmystyq zorlyq-zombylyqtyŋ aldyn aluǧa baǧyttalǧan jäne qūqyq būzuşylarǧa qatysty qūqyqtyq jauapkerşılıktı tüsındıru jūmystaryn jıtı nasihattau kerektıgın basa aitty.
Azamat ESENJOL