Elordadaǧy Jeŋıs daŋǧyly boiyndaǧy 18-şı üidıŋ şatyry 7 tamyz künı tünde jartylai qūlaǧan bolatyn. Abyroi bolǧanda, eşkım zardap şekken joq. Astana qalalyq Tūrǧyn üi inspeksiiasynyŋ bastyǧy Älihan Quatbekov būl jaǧdaiǧa bailanysty arnaiy tüsınık berdı.
– Jeŋıs daŋǧyly boiyndaǧy būl üidı būdan būrynǧy jyldary «Astana qūrylys servis» JŞS tekserıp şyqqan bolatyn. Sol kezde jöndeu-qalpyna keltıru jūmystaryn jürgızu ūsynylǧan. «Tūrǧyn üi qatynastary turaly» Zaŋǧa säikes, üi ielerı jalpy mülıktıŋ saqtaluyna jauap beredı. Osy jyly būl üige qyzmet körsetetın «UK Kommunalnik-2» JŞS Tūrǧyn üi inspeksiiasyna jazbaşa jügıngen edı. Sol kezde bız qosymşa tekseru jürgızu jönınde eskertu berdık. Sonyŋ nätijesınde qaitadan tekserıp-zertteu jūmystary jürgızıldı. Būdan soŋ tūrǧyndardy köşıru jäne taǧy basqa şaralarmen bırge, jöndeu-qalpyna keltıru jūmystaryn jürgızu jönınde ūsynba äzırlendı. Biyl Tūrǧyn üi kommunaldyq şaruaşylyǧyn jaŋǧyrtu baǧdarlamasy negızınde üi jöndeluı tiıs edı. Bıraq baǧdarlama boiynşa respublikalyq biudjetten qarjy bölınbeuıne bailanysty jūmystar toqtatyldy. Qazırgı uaqytta Astana qalasy äkımınıŋ tapsyrmasymen jöndeu jūmystaryna qarjy bölu mümkındıkterı qarastyryluda. Osydan säl būryn sol üidıŋ belsendı tobynyŋ qatysuymen arnaiy jiyn öttı. Taiau künderı tiıstı şara qolǧa alynady, – dedı Älihan Quatbekov.
Onyŋ aituynşa, jöndeluı tiıs üidıŋ salynǧanyna 30 jyldan astam uaqyt bolǧan eken. Appatty üi retınde būryn tırkelmegen, tek jöndeu-qalpyna keltıru jūmystaryn jürgızu jönınde ūsynys jasalǧan. Qabyrǧalary jaryla bastaǧan būl üide qazır tūrǧyndar tūryp jatqan körınedı. Qazırgı uaqytta şatyrdyŋ jartylai qūlauy sebepterın anyqtau qolǧa alynǧan. Jalpy bülıngen aumaq on şarşy metrden astam jerdı qamtidy. Tiıstı qauly arnaiy resımdelıp, zaŋ tūrǧysynan barlyq şaralar atqarylǧannan keiın jaqyn künderı jöndeu jūmystary bastalmaq.
Meŋdolla NŪRYMŪLY
