Ardagerler eŋbegı – el igılıgıne
Esıl audandyq Ardagerler keŋesınıŋ ūiymdastyruymen «Qazaqstandaǧy ekonomikalyq reformalardyŋ evoliusiiasy» taqyrybynda döŋgelek üstel mäjılısı öttı. Täuelsızdıktıŋ 25 jyldyǧy men QR Konstitusiiasy künıne orailastyrǧan alqaly jiynǧa 70-ten asa ardager qatysty.
Şara barysynda QR Prezidentı janyndaǧy Memlekettık basqaru akademiiasynyŋ professory, ekonomika ǧylymdarynyŋ doktory Bätima Mūqaşeva jinalǧandarǧa memleketımızdıŋ ekonomikalyq saiasaty jönınde baiandama oqydy. 1989-1999 jyldardy tört ekonomikalyq kezeŋge bölıp qarastyrǧan professor ärı qarai osy saladaǧy memlekettıŋ sättı qadamdaryna toqtaldy. Sondai-aq Elbasynyŋ «Nūrly jol – bolaşaqqa bastar jol» atty Joldauynyŋ män-mazmūny jan-jaqty taldanyp, sol boiynşa atqarylǧan jūmystardyŋ bırqatary talqylandy. Ardagerler būl künı özderın mazalaǧan sūraqtarǧa bılıktı mamannyŋ jauaptaryn estıp quandy.
– KSRO ydyraǧan kez esımızde. Düken sörelerı qaŋyrap bos qalǧan, jūmys joq. Naǧyz toqyrau jyldary edı. Sodan berı bız halyq bırlıgınıŋ berık ülgısın tanyttyq. Täuelsızdıktıŋ üşınşı onjyldyǧyna aiaq bastyq. Endı barşa eldıŋ aldynda jaŋa maqsat-mındetter tūr. Daǧdarys kezınde bırde-bır memleket äleumettık tölemderın köbeite almaǧan bolsa, bızdıŋ Qazaqstan osyndai naqty qadamdarǧa senımmen bardy. Elımızdıŋ ata buyny, iaǧni Ūly Otan soǧysynyŋ ardagerlerı beibıtşılıktı saqtady. Tyldaǧy maidangerler eŋbegı jeŋıske jeteledı. Al bügınde bız jastarymyzǧa mol täjıribemızdı üiretıp, patriottyq ruhtaǧy qyzmetımızdı jalǧastyryp kelemız. Bar bılım men küş-jıgerımızdı memleketımızdıŋ örkendeuıne jūmsadyq, el igılıgıne üles qosuǧa ärqaşan daiynbyz, – dedı şara soŋynda Esıl audandyq Ardagerler keŋesınıŋ töraǧasy Rysty Atyǧaeva.
Mädina JAQYP