Özım 19 ekspedisiia ūiymdastyrdym. Soŋǧy jyldardyŋ özınde aitarlyqtai auqymdy, ülken üş ekspedisiia jasalypty.
Bırınşısı – 2011 jylǧy Oŋtüstık poliuske baǧyttalǧan saiahat, iaǧni, Antarktida ekspedisiiasy. Ol Qazaqstannyŋ 20 jyldyǧyna arnalǧan ıs-şara bolatyn. Bıraq sol jyly, iaǧni, 2011 jyldyŋ 14 jeltoqsanynda Antarktidany Rual Amundsen aşqanyna 100 jyl boldy. Bız, iaǧni, qazaqstandyq avtokölık ekspedisiiasy sol toiǧa tūspa-tūs jetıp, ekı quanyşty bastan ötkerıp keldı. Ol sapar nätijesı boiynşa «108 saǧat» atty derektı film şyqty.
Eŋ bırınşı, būl sapar Qazaqstannyŋ imidjın köteru maqsatyn közdegen. Ekınşıden, Qazaqstan Antarktida kelısımşartyna kırgen joq. Oǧan kırgenderdıŋ müddesı zor. 2041 jyldan keiın ol kelısımşart küşın joiady. Odan keiın osy materiktı igeru bastalsa, onda Qazaqstannyŋ ülesı bolmai qalady.
Antarktidaǧa baryp kelgennen keiın Nūr-Sūltan qalasyna at basyn būrdym. Sonda baiqaǧanym, bas qala Antarktidadan kem tüspeidı. Aq tütek borany men üskırık aiazy sol bır saparymdy eske tüsırdı. Būl şahar – barşa qazaq jūrtynyŋ maqtanyşy. Tūŋǧyş Prezident N.Nazarbaevtyŋ eŋbegı astanamyzben maqtanamyz.
Ordenbek MAZBAEV,
geografiia ǧylymynyŋ doktory,
L.Gumilev atyndaǧy Euraziia ūlttyq
universitetınıŋ professory
