Elordada jylytu mausymy qalai aiaqtaldy jäne kelesı mausymǧa qandai daiyndyq jürgızılıp jatyr? Būl turaly Astana qalasy Energetika basqarmasynyŋ basşysy Nūrlan Köpeşov aitty, dep habarlaidy astana-akshamy.kz
Köpeşovtıŋ aituynşa, 2023-2024 jyldardaǧy jylytu mausymy ştattyq rejimde öttı. Al Ükımettıŋ qoldauymen ötken jyly tırşılıktı qamtamasyz etetın bırqatar nysandardyŋ qūrylysy aiaqtaldy.
«2023 jyly qalanyŋ jylu quaty 3-JEO bırınşı kezegınıŋ, «Tūran» jäne «Oŋtüstık-Şyǧys» gaz jylu stansiialarynyŋ jalpy qosymşa quaty saǧatyna 1100 Gkal ıske qosyluynyŋ arqasynda 30 paiyzǧa ūlǧaidy. Energiia közderınıŋ jalpy qolda bar quaty 3 747 Gkal qūraidy. Aǧymdaǧy jylytu mausymynda qalanyŋ maksimaldy tūtynuy saǧatyna 3 050 Gkal qūrady. Osylaişa, profisit 697 gkal/saǧ qūraidy, būl qalanyŋ qajettılıkterın 2027 jylǧa deiın öteuge mümkındık beredı», – dedı basqarma basşysy elordalyq äkımdıkte ötken brifingte.
Ol biyl «Tūran» MTQ ekınşı kezegın jäne JEO-3 kömır bölıgın tolyǧymen aiaqtau, JEO-2 keŋeitudı bastau, «Telman» MTK bırınşı kezeŋınıŋ qūrylysyn jalǧastyru jäne «Oŋtüstık-Batys» MTQ jobalauǧa kırısu josparlanyp otyrǧanyn atap öttı.
Nūrlan Köpeşov osy jobalardyŋ barlyǧyn ıske asyru 2035 jylǧa deiın qauıpsızdık qoryn aluǧa mümkındık beretının atap öttı.
«2024-2025 jyldarǧa arnalǧan küzgı-qysqy kezeŋge daiyndyq üşın energiia közderınde kürdelı jöndeu jürgızu josparlanǧan. Jylumen jabdyqtau jelılerı boiynşa aǧymdaǧy 0,9 km jöndeu jäne 7,6 km jylumen jabdyqtau jelılerın qaita jaŋartu josparlanuda», – dedı ol.
