Ūly Jeŋıstıŋ 70 jyldyǧyna arnalǧan avtoşeru Qazaqstannan bastaldy. Ötken senbıde aksiiaǧa qatysuşylar Astanaǧa at basyn būrdy.
«Nūr Otan» partiiasy men QR Qorǧanys ministrlıgınıŋ qoldauymen ūiymdastyrylǧan halyqaralyq şaranyŋ aumaǧy Qazaqstan, Resei jäne Qyrǧyzstan qalalaryn qamtidy. Almaty qalasynan jolǧa şyqqan avtoşeru Bışkek, Astana, Qostanai, Aqtöbe, Oral, Orynbor, Samara qalalarynan ötıp, märege Mäskeude jetedı.
Astanalyqtar avtoşeruşılerdı Otan qorǧauşylar alaŋynan şyǧaryp saldy. Jiynǧa Halyq qaharmany Baqytjan Ertaev, Reseidıŋ Qazaqstandaǧy elşısı Nikolai Bocharnikov, Qyrǧyzstannyŋ şekara qyzmetı töraǧasy Stambek Asakeev, «Nūr Otan» partiiasy Astana qalasy filialynyŋ töraǧa orynbasary Meirambek Oralov, Astana ardagerler keŋesınıŋ töraǧasy Amangeldı Syzdyqov jäne ardagerler, jauynger-internasionalister, «Jas Otan» jastar qanaty men «Jas ūlan» tärbielenuşılerı qatysyp, saparşylarǧa sättılık tıledı.
Şarada «Otan-Ana» eskertkışıne gül şoqtary qoiyldy. Almaty jäne Bışkek qalalarynan kele jatqan delegasiia qūramyna astanalyqtar da qosyldy. Auǧan soǧysynyŋ ardagerı Ǧalym Qojabekov «Otan üşın jan qiǧan qazaqstandyq jauyngerlerdıŋ qany tamǧan jerden elge bır uys topyraq jetkızemız» deidı.
