«ÄZIL FEST» KÜLKIGE QARYQ QYLDY
Kele jatqan elorda toiy astanalyqtarǧa köterıŋkı köŋıl-küi syilady. Keşe Kongress-hollda ötken «Äzıl fest-2016» festivalı qalyŋ köpşılıktıŋ köŋılınen şyqty.
Astana qalasy äkımdıgınıŋ ūiytqysymen ūiymdastyrylǧan köŋıldı merekege qazaqstandyq jäne şeteldık önerpazdar qatysty. Dästürlı şara sahnasynan būl joly Mahachkaladan kelgen «Dagestan», surguttyq «Borsy» komandasy, «Odesskie Mansy», Joǧary KVN ligasynyŋ finalisterı – elordalyq «Sparta», almatylyq «Orystar şou» önerpazdary körındı. Sondai-aq, qonaqtar «Patrul», «Vuzery», «Qyzyq times» syndy tanymal telejoba akterlerınıŋ äzıl qoiylymdaryna kuä boldy.
Äzıl keşı ekı kezeŋge bölıngen. Qöŋıldı tapqyrlardyŋ oiyny men körermen sūraǧy, iaǧni – kışıgırım «jattyǧular». Äzılderdıŋ basym bölıgı bas qalanyŋ ömırımen bailanystyryldy. Mäselen, zaldyŋ özı «oŋ jaǧalau jäne sol jaǧalau» dep bölındı.
Körermenderderdıŋ belsendılıgı erekşe baiqaldy. Sūraq-jauap kezınde olar «Eger Qazaqstannyŋ kelesı prezidentı äiel bolsa, qazaqtardyŋ jalqaulyǧy jaily äzılderden qūtylamyz ba?», «Jıgıt pen djentelmennıŋ aiyrmaşylyǧy nede?», «Erler közben, qyzdar qūlaqpen jaqsy köredı. Al ekeuıne ortaq mahabbat qaisy?» degen sekıldı türlı saual qoidy. Külkıge qaryq qylǧan jauaptardyŋ bırı – «Senen qūtyluymyz kerek-au şamasy». Nūrsūltan Nazarbaevtyŋ dauysyn ainytpai salyp, «Telefonyŋdy qaldyryp ket, keiın habarlasamyz» degen önerpaz da boldy. «Orystar şou» «Naǧyz jıgıt sündetke otyrǧyzylady» degen tapqyrlyq tanytsa, küres baluandary «Qyzdar synyq qūlaqtylardy süiedı» dep zaldyŋ ışek-sılesın qatyrdy.
Ekı saǧatqa sozylǧan «Äzıl fest» riza bolǧan jūrtşylyqtyŋ du qol şapalaǧymen aiaqtaldy.
Mädina JAQYP