Juyrda Reseidıŋ Ufa qalasynda ötken «Ural moŋo-2012» türkı jastary festivalınıŋ bas jüldesın astanalyq jas änşı Nūrbol Balapanov qanjyǧasyna bailap qaitty.
Başqortstanda ekı jylda bır ötetın türkı jastarynyŋ muzykalyq «Ural moŋo» festivalın änşı qauym jaqsy bıledı. Būl festivaldıŋ maqsaty – türkı jūrtynyŋ dästürlı änderı men ūlttyq bet-beinesın aişyqtaityn salttaryn sahnada körsete bılu. Qazırgı taŋda festival «TÜRKSOI» halyqaralyq ūiymy men Başqortstannyŋ Mädeniet ministrlıgınıŋ qoldauymen jüzege asyp otyr. 1995 jyly festival halyqaralyq märtebege ie bolǧan edı. Sodan berı Ufada küllı türkı jastary bas qosyp, öner bäigesınde baq synasyp keledı. Biyl alǧaş ret bas jülde qazaqtyŋ daryndy änşısı Nūrbol Balapanovqa būiyrdy.
Jas änşınıŋ esımı qalyŋ köpşılıkke etene tanys bolmasa da, bırşama belgılı.Öitkenı, ol jastyǧyna qaramastan Astana qalasy äkımdıgı memlekettık filarmoniiasynyŋ klassikalyq jäne estradalyq vokal bölımınıŋ änşısı. Al, būl ūjym öner älemıne qadam basqaly bel-belesterdı baǧyndyrumen örge jüzıp keledı. Soŋǧy kezde Nūrbol Balapanovtyŋ önerdegı alǧaşqy qadamdary sonyŋ jarqyn dälelı retınde baǧalanyp jür. Onyŋ tynymsyz eŋbegı, önerdegı ızdenısı, jaŋa repertuar taŋdaudaǧy talǧampazdyǧy, baiqaular men festivalderge qatysuǧa ärdaiym daiarlyǧy – mūnyŋ barlyǧy onyŋ önerdegı ızgı tabystary. Osy tabystary talantty jastyŋ maqsatşyl müddemen asqaq asulardy betke alǧandyǧyn naqty körsetse kerek.
Nūrbol Balapanov – Semei öŋırınıŋ tumasy. Bıraq qazırgı kezde Astanadaǧy Qazaq ūlttyq öner universitetınıŋ studentı. Ol studentpın dep özınıŋ änşılık qabıletın şektep, iaki daǧdaryp qalmady. Bılım alumen qatar önerdegı ızdenısın de josparly türde jüzege asyryp jür. Qaita özınıŋ osyndai ızdengış talpynysymen az uaqyt ışınde bıraz jetıstıkterge qol jetkızıp ülgergen talapty jas. San baiqauǧa qatysyp, erekşe dauysymen közge tüsıp, körermen süiıspenşılıgıne bölenu – erekşe qūbylys. Ärbır änşı üşın sahnanyŋ zor şabyt syilaityn siqyrly quaty jäne bar. Baiqaularǧa qatysu –Nūrbol üşın eŋ aldymen käsıbi deŋgeiın köterıp, bılıktılıgın arttyruǧa taptyrmas stimul. Mūndai mümkındık konkursanttar arasynda bır-bırınıŋ än salu özgeşelıgın zerdeleuge jol aşady. Öitkenı, är baiqaudyŋ özındık qoltaŋbasy bolady. Är baiqau änşılerge türlı impuls, emosionaldy dümpu berıp otyrady. Meilınşe sezımtal keletın änşınıŋ jan rahatyn tyŋdarmanmen bölısuıne de septıgın tigızedı.
Ol 2011 jyldy da tabysty etıp ötkızdı. «Jas qanat – 2011» jas oryndauşylar baiqauynda I oryndy jeŋıp alǧanyn elordalyq jūrtşylyq jadynan şyǧara qoimaǧan bolar. Ukrainadaǧy «Moloda Galichina – 2011» halyqaralyq jas oryndauşylar baiqauynda I oryn, «Kriştalevi grona – 2011» halyqaralyq baiqauynda I oryn, «Jūldyz-2011» (Qaraǧandy) respublikalyq estradalyq oryndauşylar konkursynda II oryn iegerı atanǧan. Onyŋ üstıne 2011 jyldyŋ qorytyndylary boiynşa, filarmoniianyŋ «Üzdık estradalyq änşısı» bolyp tanyldy. Hakasiiada ötken «Ot yry – 2011» halyqaralyq etnikalyq estrada baiqauynyŋ bas jüldesınıŋ iegerıatandy. Sol baiqauda ony körermen öte tamaşa qabyldady. «Nūrbol sahnaǧa şyqqan saiyn jūrtşylyq qaita-qaita şapalaqtap, onyŋ änderıne täntı boldy. Baiqau tarihynda mūndai bolyp körgen emes. Gala-konsertte de Nūrboldy jūrt sahnadan jıbergısı kelmei, biske än oryndatty», – dep jazady hakasiialyq jurnalist Vera Samrina.
Şynar ÄBILDA
