Elorda abyroiy «Astana – türkı älemınıŋ mädeni astanasy» jyly aiasynda taǧy bır asqaqtamaq. Mädeniet jäne aqparat ministrlıgı «Ūly dala sazy» dästürlı oryndauşylardyŋ halyqaralyq festivalın ötkızedı. Iаǧni, Saryarqanyŋ tösınde ūlttyŋ ünı, ūlttyŋ änı, ūlttyŋ jyry, ūlttyŋ küiı äueleidı. Aituly mädeni şara aldynda Mädeniet komitetı Muzyka önerı basqarmasynyŋ bastyǧy Nūrbolat Ahmetjanovty äŋgımege tartyp, az-kem tıldesken edık.
– Nūrbolat Qadırūly, aldymen «Ūly dala sazynyŋ» maqsaty men mındetın bılıp otyrsaq.
– İä, qazaq qazaq bolǧaly talai maşaqat pen azapty basynan ötkergenın tarihtan bılemız. Osynau joldarda öşkenımız de, joǧalǧanymyz da az emes. Talai qūndylyqtarymyz qūmǧa sıŋgen sudai ǧaiyp ta boldy. Alaida, egemendık alyp, es jidyq.
Endı älemdık örkenietke aitarlyqtai üles qosqan qazaq halqynyŋ dästürlı muzykasyn, sonyŋ ışınde änı men jyryn, küiı men sazyn, eposyn jan-jaqty nasihattamaqpyz. Qazaq halqynyŋ dybystyq jäne aspaptyq şyǧarmaşylyǧynyŋ örkendeuıne jaǧdai jasau arqyly dästürlı muzykanyŋ barlyq, äsırese, sirek ūşyrasatyn aspaptarda oryndalatyn janrlardy jaŋǧyrtsaq, damu qarqynyn jedeldetsek degen niettemız. Sondai-aq, bızdıŋ ūltqa ǧana tän şektı aspaptar, ürmelı aspaptar jäne än, jyr, terme, naqyl, nasihat öleŋ, dastan, epos oryndauşylardyŋ halyqaralyq deŋgeide öner körsetuıne, tanyluyna jaǧdai jasaǧanymyz, sondai-aq özara täjıribe almasuyna mümkındık tuǧyzǧanymyz da märtebe.
– Būl şara qai jyldardan berı qolǧa alynyp keledı?
– Negızınen, küi jäne än önerı baǧyttary boiynşa ötetın festivaldı alǧaş ret 1994 jyly ūiymdastyrdyq. Ekı jylda bır märte bolady. Endıgı dästürge ainaldy desek te qatelespeimız. Öz körermenı, qoldauşysy, janaşyry bar. Osy künge deiın şara aiasynda talai halyq qazynasy jaŋǧyrdy, qaita äueledı, talanttar boi köterdı.
– Biylǧy festivalde bır özgerıster bolar, bälkım?..
– Älbette. Qaitalau tez jalyqtyrady emes pe tyŋdauşysyn. Küzde bolatyn aituly şaraǧa daiyndyǧymyz bügınnen bastalyp kettı. Memleket qoldauynyŋ arqasynda sapaly, özgeşe, jaŋaşa sipat berudı közdep otyrmyz baiqauǧa. Aitqandai, festivalge Qazaqstannan özge Resei Federasiiasy, Qyrǧyzstan, Özbekstan, Türkımenstan, Moŋǧoliia, Qytai jäne basqa da elderdıŋ dästürlı oryndauşylary qatysady. Sol memleketterdıŋ Mädeniet ministrlıkterımen bailanys ornatyp, būryn oryndalmaǧan, baiyrǧy än-küilerdı jaŋǧyrtsaq degen iettemız. Eger, būl oiymyz jüzege asyp jatsa, ortaq mereiımız bolary haq.
– Qazylar alqasynyŋ qūramymen de habardar bolsaq…
– Äzırge naqty şeşılgen joq būl mäsele. Bıraq, dästürlı önerımızdı nasihattauşylardy ırıktep, ūsynys jasadyq. Mäselen, dybys tyŋdau, dästürlı än-küidı üirenudıŋ mektebın qalyptastyruǧa atsalysyp jürgen Raiymbergen Abdulhamit, belgılı ǧalym, önertanuşy Saida Elamanova syndy düldülder baǧasyn beredı dep oilaimyz oryndauşylardyŋ. Rejisserlyqqa «Mädeniet» telearnasynyŋ direktory Saǧatbek Qalievtı tartyp otyrmyz.
«Ūly dala sazy» dästürlı oryndauşylardyŋ halyqaralyq festivalıne qatysuşylardyŋ ötınışterı myna meken-jaida qabyldanady: 010000, Qazaqstan, Astana qalasy, Esıl audany, Türkıstan köşesı, 8 üi, «Olimp Palas» t/k, KJ-18, 8-kıreberıs, blok «L», E-mail: info@ruhdk.kz, tel: 8(7172)54-64-77, Web: http://ruhdk.kz.
