«Baqytty balalyq şaq» atty Universl Pictures kompaniiasynyŋ jylda ötkızetın baiqauyna biyl astanalyq alty jasar Bibimariiam Omarova qatysty. Qatysyp qana qoimai, qanjyǧasyna qomaqty jüldenı bailai keldı. Ol baiqauda 6 jäne 14 jas aralyǧyndaǧy änşıler nominasiiasynda bırınşı oryndy jeŋıp aldy.
Mamyrdyŋ 22-25 aralyǧynda ötken atalmyş baiqauǧa älemnıŋ är elınen 55 büldırşın jinalǧan. Būl baiqauǧa degen balalardyŋ zor talpynysyn körsetse kerek. Mūndai öner dodasynda top jaryp, jeŋımpaz atanu Bibımäriiam üşın tosyn syi bolǧan körınedı.
Degenmen, üş jasynan bastap türlı daiarlyq toptarynda akterlyq şeberlıktı, vokaldy üirenıp jürgen balǧyn böbek öz qatarlastarynan oq boiy ozyq ekendıgın älemdık deŋgeide däleldep berdı.
Ata-anasy üşın de mūndai jeŋıs ülken märtebe ekendıgın moiyndai kele söz būidasyn qolyna anasy Perizat aldy. Balany tek mektepke, balabaqşa aparyp äkeludıŋ özı keide qiyndyq tudyryp jatady.
Al, ony önerge baulu, onyŋ talantyn osyndai säbi künınen aşuǧa ūmtylu oŋai emes ekenı ras. Bıraq bız qyzymyzdyŋ erekşe eŋbekqor ekendıgın baiqap, ony türlı kurstarǧa jazdyrttyq. Ol öz betımen san aluan tılderdegı änderdı jattap alyp aituǧa äuestenetın.
Sol äuestıgın sahnaǧa alyp şyǧuyna mümkındık jasadyq≫, – deidı kışkentai jūldyzdyŋ anasy.
Gollivudqa baryp, önerdegı alǧaşqy biıgın baǧyndyrǧan tompiǧan Bibimariiam äkesı Marat Omarovtyŋ «Talant» öner ortalyǧynda tälım alady. Alty jasynda
ärtürlı öner salasynan därıs alyp ülgergen daryndy qyzǧa osy jeŋısınen keiın şeteldık kompaniialardan bırneşe ūsynystar tüsıptı. «Wolt Disney» kompaniiasy onyŋ ärtıstıgıne qyzyǧyp, bır jylǧa şart jasasuǧa peiıldı ekendıkterın de bıldırgen. Alaida tılı qazaqşa synǧan qazaqtyŋ qyzy aǧylşynşa söilemegendıkten tıl üirenuge mūqtajdyǧyn alǧa tartypty.
Tegıne tartyp tuǧan arqaly qyzdyŋ keleşegınen ümıtın ükılep otyrǧan ata-anasy üşın de mūndai baiqaudan jüldelı oraly ülken abyroi.
– Sahnaǧa şyǧu qanşalyqty qorqynyşty boldy? – degen saualǧa közı möldıregen Bibimariiam:
– Eş qoryqpadym, – dep jauap qatty.
– Al, keleşekte kım bolǧyŋ keledı? – sūraqqa:
– Aktrisa bolamyn, – dep nyq jauap berdı.
Büldırşınge sūraqtarǧa jauap bergennen görı sahnaǧa şyǧyp än salǧan äldeqaida oŋai bolǧan syŋaily. Öitkenı, Los-Andjeleste jasalǧan beinebaiannan baiqaǧanymyzda, ol özın öte erkın, täkäppar, ärı jūldyz retınde ūstaidy eken.
Bır aita keterlıgı, onyŋ jeŋısınıŋ jemısın endı tek özı emes, «Talant» ortalyǧynyŋ jas önerpazdary da bölısetın boldy.
Öitkenı, Bibimariiamǧa köŋılı tolǧan «New York Film Academy» kompaniiasy Astanaǧa özınıŋ ökılın James Osegbemeh myrzany arnaiy jıberıp otyr. Ol osy ortalyq negızınde qalauy bar balalarǧa aǧylşyn tılı men akterlyq şeberlıkten därıs oqityn bolady.
«Bibimariiam – zaty erekşe qyz. Onyŋ önerge degen qūlşynysyna taŋ qalmau mümkın emes. Jalpy, qazırgı kezde Qazaqstannyŋ halyqaralyq kinoindustriiaǧa qadam jasauy – qūptarlyq jaǧdai. Sızderdıŋ elderıŋızdıŋ mümkındıgı mol dep esepteimın» dedı afrikan jıgıt audarmaşyǧa qarap otyryp.
«Osy mümkındıktı astananyŋ är balasy paidalana alady. Balalaryŋyzdy bızdıŋ ortalyqqa äkelıŋızder» dedı söz soŋynda Marat Omarov.
Şynar ÄBILDA
