Prezident Qasym-Jomart Toqaevtyŋ «Habar 24» telearnasyndaǧy ekskliuzivtı sūhbatyn mūqiiat tyŋdadym. Onda osy jyldyŋ qaŋtarynda elımızde bolǧan oqiǧalardyŋ barlyǧy qamtyldy.
Äŋgıme eŋ aldymen, Almaty qalasynda oryn alǧan oqiǧalarǧa qatysty örbıdı. Būl jerde Qasym-Jomart Toqaev terroristık şabuyldardyŋ ūiymdasqan sipatyn aiǧaqtaityn keibır jaittar turaly aityp berdı. Olardy ötkızu üşın gastarbaiterler retınde Almaty äuejaiyna arnaiy daiyndalǧan sodyrlar toby kelıp, şekaralyq baqylaudan ötken. Būǧan qatysty Prezident: «Būl naǧyz soǧys boldy» dedı. Beibıt şerulerdıŋ artynda tonauşylar men būzaqylar, sodan keiın qaruly banditter tūrdy.
Jurnalistıŋ osy şabuyldardyŋ ūiymdastyruşysy kım ekendıgı turaly sūraǧyna orai Prezident tergeudıŋ aiaqtaluyn kütken jön ekenın aitty. Būl qasırettı qaŋtardaǧy oqiǧalardyŋ tolyq körınısın beruı kerek qūqyq qorǧau organdarynyŋ missiiasy dep sanaitynyn jetkızdı. Būl, ärine, oǧan tän diplomatiialyq täsıl – asyǧys qorytyndy jasamau.
Prezident qiyn-qystau sätte oqu-jattyǧularda pysyqtalyp, qaǧazǧa jazylǧan tetıkter «ısten şyqty» dep batyl aitty. Is-qimyldyŋ naqty algoritmı bolǧan joq, küştık vedomstvolardyŋ keibır basşylary qajettı şeşımder qabyldamaǧanyn aitty.
Ol sondai-aq aqparat «maidanyndaǧy» sätsızdıktı moiyndady. Prezident tapsyrmalary halyqqa dūrys tüsındırılmegenın jetkızdı.
Memleket basşysy būl künderı qiyn şeşımder qabyldauǧa tura kelgenın atap öttı. Menıŋ oiymşa, kez kelgen insinuasiia aiasynda būl onyŋ ömırlık täjıribesı, joǧary mädenietı men aqyl-oiynan habar beretın qiyn şeşım boldy.
Elge, azamattardyŋ qauıpsızdıgıne jauapty Prezident retınde ol jaǧdaidy özgertuge jäne konstitusiialyq tärtıptı qalpyna keltıruge yqpal etetın şeşımder qabyldau keregın jetkızdı. ŪQŞŪ bıtımgerşılık kontingentın Qazaqstanǧa şaqyru bır jaǧynan kütpegen jäne tiımdı şeşım boldy. Qasym-Jomart Toqaev atap ötkendei, ol jaǧdaidy tūraqtandyruda psihologiialyq röl atqardy.
Qasırettı qaŋtar sabaqtaryn eskere otyryp, Memleket basşysy kez kelgen qiyndyqtaǧy syn-qaterlerge jauap beretın ūlttyq qauıpsızdık jüiesın qaita qūru qajettıgı turaly mälımdedı.
Qasym-Jomart Toqaev diplomat jäne täjıribelı saiasatker retınde el ekonomikasy men onyŋ azamattarynyŋ igılıgı üşın beibıt yntymaqtastyq qaǧidattaryna berık ekenın rastady. Ol kadrlyq taǧaiyndaularǧa da toqtalyp, onyŋ barlyǧy tek basşylardyŋ qūzyretı men ıskerlık qasietterın eskere otyryp jasalatynyn aitty.
Prezident parlamenttık jäne partiialyq jüienı özgertu turaly oiymen bölıstı. Iаǧni ekonomikalyq qaita qūrularmen qatar, saiasi reformalar da josparda tūr. Demek būl – qos reforma qatar jüredı degen söz.
Osy qiyn-qystau künderde Memleket basşysy bırneşe ret efirge şyǧyp, käsıpkerlermen kezdesuge, Qauıpsızdık Keŋesınıŋ otyrysyna, Nur Otan partiiasynyŋ sezıne, Memleketter basşylarynyŋ sammitıne qatysty. Mūnyŋ barlyǧy, ärine, onyŋ jauapkerşılık sezımı jäne jaǧdaidy obektivtı baǧalauǧa, bastysy, köruge jäne aqylǧa qonymdy şeşımder qabyldauǧa kömektesetın erekşe saiasi täjıribesın aŋǧartady. Bız, öz kezegımızde, osyny ūǧyna otyryp, Prezident jariialaǧan ekonomikalyq, saiasi jäne äleumettık reformalardy ıske asyru üşın barlyq küş-jıgerımızdı jūmsauymyz qajet. Būl rette bolaşaq üşın qaita qūrular jolyndaǧy senımdı negız bolatyn bırlık pen tūtastyqty körsetu maŋyzdy.
Iýsup KELİGOV,
QHA Keŋesınıŋ, Nūr-Sūltan qalalyq Nur Otan partiiasy Saiasi keŋesı biurosynyŋ müşesı
