Memleket basşysy Qasym-Jomart Toqaev şeteldık diplomatiialyq missiialardyŋ basşylarymen kezdestı.
Prezident Qazaqstanda tırkelgen diplomatiialyq missiialar jäne halyqaralyq ūiymdardyŋ basşylaryna elımızde türlı salada auqymdy reformalar jürgızılıp jatqanyn aitty. Sondai-aq adam qūqyqtaryn qorǧau mäselelerıne, sonyŋ ışınde ölım jazasyn joiuǧa, konstitusiialyq tüzetulerdı qabyldauǧa, Adam qūqyqtary jönındegı uäkıldıŋ rölı men märtebesın arttyruǧa erekşe nazar audardy.
«Öz saiasatymyzda «bız ärtürlımız, bıraq teŋbız» degen postulatty berık ūstanamyz. Sondyqtan azamattyq qoǧamnyŋ rölın arttyruǧa, türlı qoǧamdyq küşterdı bırıktıruge, «Halyq ünıne qūlaq asatyn memleket» qaǧidatyn ıske asyruǧa maŋyzdy ıs-şaralar qabyldanyp jatyr» dedı Memleket basşysy.
Sonymen qatar Qasym-Jomart Toqaev Qazaqstannyŋ demokratiialandyru jäne keşendı qoǧamdyq-saiasi özgerıster baǧyty özgermeitının atap öttı.
«Jaŋa model bilıktıŋ tūraqty rotasiiasyn jäne Qazaqstannyŋ qazırgı memlekettılıgın odan ärı demokratiialyq tūrǧyda damuyn qamtamasyz etedı. Bırneşe aptadan keiın ötetın kezekten tys Prezident sailauynda osy özgerıster eskerıledı. Būl sailau Qazaqstanda jaŋa saiasi dästürdı qalyptastyrady, jaŋa saiasi däuırge jol aşady. Bızdıŋ basty maqsatymyz – ärbır azamat öz äleuetın ıske asyruy üşın teŋ jaǧdai men mümkındık jasalatyn Ädılettı Qazaqstandy qūru. Ädılettılık ideiasy būdan bylai halyqtyŋ äl-auqatyn arttyruǧa, azamattardyŋ qajettılıkterı men sūranystaryna jedel nazar audaruǧa baǧyttalǧan Qazaqstannyŋ barlyq memlekettık saiasatynyŋ özegı bolady» dedı Q.Toqaev.
Memleket basşysy Qazaqstannyŋ qabyldaǧan jaŋa ekonomikalyq baǧyty şynaiy erkın naryqtyq ekonomika qūruǧa baǧyttalǧanyn erekşe atap öttı.
«Ekonomikany monopoliiadan aryltu – bızdıŋ ūlttyq basymdyǧymyz. Bız dūrys joldamyz. Jetekşı halyqaralyq qarjy agenttıkterı Qazaqstannyŋ ekonomikalyq ösımdı yntalandyru jönındegı küş-jıgerın oŋ baǧalady jäne Qazaqstannyŋ egemen reitingın «tūraqty» boljammen rastady. Bız aşyq ekonomika qaǧidatyna berık bolyp qala beremız. Älemnıŋ 180 elımen sauda jasaimyz. Bükıl älemdegı ekonomikalyq qiyndyqtarǧa qaramastan, bızdıŋ şikızattyq emes önım eksporty şamamen 40 paiyzǧa östı. Bız aldaǧy uaqytta da investisiia tartu boiynşa Ortalyq Aziiadaǧy köşbasşylyq pozisiiamyzdy nyǧaita beremız» dedı Prezident.
Memleket basşysy aimaqtyq kün tärtıbındegı mäselelerge de toqtaldy. Sondai-aq älemdegı būryn-soŋdy bolmaǧan tūraqsyzdyq jaǧdaiynda Qazaqstan teŋgerımdı, köpjaqty jäne konstruktivtı syrtqy saiasat ūstanatynyn aitty.
«Qazaqstan beibıtşılık, yntymaqtastyq jäne senım qūndylyqtaryn berık ūstanady. Bız BŪŪ-nyŋ jarǧysy men halyqaralyq qūqyqqa negızdelgen memleketterdıŋ teŋdıgı, egemendıgı jäne territoriialyq tūtastyǧy qaǧidattaryn qoldaimyz» dedı Prezident.
Sonymen qatar Qasym-Jomart Toqaev BŪŪ-men tyǧyz yntymaqtastyqta Qazaqstan iadrolyq qarudy taratpau turaly şarttyŋ negızgı qaǧidattaryn saqtaudy qoldaitynyn atap öttı.
«Iаdrolyq qarudy qoldanu turaly qauıptı mälımdemelerdıŋ artqany baiqalady. Atom energiiasy adamzattyŋ orasan zor jetıstıgı ekenın este ūstaǧan jön. Ony joiqyn qaru retınde emes, halyqtarymyzdyŋ tek beibıt ömırı üşın paidalanu kerek» dedı Prezident.
Sondai-aq diplomatiia halyqaralyq qatynastardy basqarudyŋ, qauıp-qaterlerdı azaitudyŋ jäne qauıpsızdık pen äl-auqatty nyǧaitudyŋ bırden-bır qūraly bolyp qala beretının aitty.
